AMOS 7:3 - Ombibeli Iyapuki

³ Opo nee Omwene e lialuluka moshinima eshi. Omwene ta ti: “Itashi ka ningwa.”

AMOS 7:3 ပူးပေါင်းရင်းမြစ်များ

GENESIS 6:7

Ndele Omwene okwa tya: “Ovanhu ava nda shita onda hala oku va komba po kombada yedu, heeno, ovanhu noimuna yo, noialangati needila dokeulu. Osheshi otashi yehameke nge, eshi nde va ninga.”

1 OMAFIMBO 21:15

Ndele Kalunga okwa tuma omweengeli kuJerusalem oku shi hanauna po. Ndele fimbo te shi hanauna po, Omwene e shi wete, nokwe lialuluka omolwomupya, nokwa lombwela omweengeli, ou ta hanauna: “Sha wana! Alula eke loye!” Nomweengeli wOmwene okwa kala ofika poshipale shOmujebusi Ornan.

OMAPSALOME 106:45

nokwe va dilakanena ehangano laye navo, nokwe va kenukila pauwanghenda waye munene,

OMAPSALOME 78:38

Ndelenee Ye okwa kala omunalukeno, nowii wavo e u kufa po, nokwa polifa luhapu ehandu laye melididimiko, Ye ina pendula onya yaye aishe;

OMAPSALOME 90:13

Omwene, aluka vali! Wa hala u kale ko fiyo onaini mbela? Ningila ovapiya voye olukeno.

EXODUS 32:14

Opo nee Omwene okwe lialuluka kehandu eli a tongele te li ningile ovanhu vaye.

JEREMIA 26:19

Hiskia, ohamba yaJuda, nOvajuda aveshe ove mu dipaa vati? Vo inava tila Omwene nove mu handukulukifa, opo Omwene okwe lialuluka komupya winya a li e u va handukilila, manga fye tu li po twa hala tu litwike keemwenyo detu omupya u fike apa.

JEREMIA 42:10

‘Ngeenge otamu kala moshilongo eshi, Ame ohandi mu tungu, itandi mu ngumauna po, nohandi mu twike, itandi mu duda mo, osheshi Ame onde lialuluka kowii ou nde u mu monifa.

HOSEA 11:8

Ondi ku efe ngahelipi, Efraim, nondi ku ekeleshi ngahelipi, Israel? Ondi ku efe ngahelipi ngaashi Adma, nondi ku ninge ngahelipi ngaashi Seboim? Omutima wange we lidilulula nolukeno lange lwa penduka.

JOEL 2:13

Pombauleni omitima deni, haoikutu yeni, nye mu alukile kOmwene Kalunga keni. Osheshi Ye omunefilonghenda nomunanghenda nomunanheni nomunene mouwanghenda, ndele iha kalele okuhandukuluka.”

JOEL 2:14

Kashiimba Ye ote lialuka natango, ndele ta fii po enangeko noupuna, nokutya eendjayambo noikunwayambo yokuyambela Omwene Kalunga keni.

AMOS 5:15

Nye omu nokutonda eshi shii nokuhola eshi shiwa, ndele diinineni ouyuki poshivelo, kashiimba Omwene Kalunga komatanga ovakwaita ta ka filonghenda oshixupe shaJosef.

AMOS 7:6

Omwene okwe lialuluka moshinima eshi. “Naashi yo itashi ka ningwa,” Omwene Kalunga osho ta ti.

JONA 3:10

Ndele Kalunga okwa mona oilonga yavo, nokutya vo ova aluka kondjila yavo ii. Opo nee Kalunga e lialuluka komupya ou Ye e u tile e u va ningile, ndele Ye ine shi ninga.

DEUTERONOMION 32:36

Osheshi Omwene ota ka yukifa oshiwana shaye, ndele ta ka kenukila ovapiya vaye, Ye eshi ta mono nokutya, eenghono davo da pwa, ndele inapa fyaala sha.

JAKOB 5:16

Hepaululilafaneni omatimba eni, nye mu ilikanenafane, opo mu velulwe; eilikano lashili lomuyuki otali dulu shihapu.