AMOS 7:2 - Ombibeli Iyapuki

² Ndele sho eshi sha lya po oimeno aishe yomoshilongo, ame nda tya: “Omwene Kalunga, akutu! Dimina po! Jakob ota dulu ngahelipi okukala po? Osheshi omunini.”

AMOS 7:2 ပူးပေါင်းရင်းမြစ်များ

OMAPSALOME 12:1

Omwene, kwafa, osheshi ovayuki va xula po, novadiinini va pwa mo movana vovanhu.

EXODUS 10:15

Ndele sho osha tuvika edu alishe loshilongo, nedu la li la twima. Ndele sho osha lya oimeno aishe noiimati yokomiti ei ya xupa keemhawe. Moshilongo ashishe shaEgipiti inapa fyaala vali nande sha shitalala sha kala komiti ile koimeno yomomapya.

EXODUS 34:9

ndele ta ti: “Omwene, ngeenge nda filwa onghenda koshipala shoye, Omwene na ende pamwe nafye, osheshi ovanhu ava ve neefingo da kukuta. Ndelenee dima po omanyonauno etu nomatimba etu, ndele tu tambula ngaashi oshifyuululwa shoye.”

JESAJA 37:4

Pamwe Omwene Kalunga koye ta udu eendjovo daRabsake, ou a tumwa komwene waye, ohamba yaAsiria, e mu tuma okusheka Kalunga omunamwenyo, ndele te mu handukilile eendjovo odo Kalunga koye e di uda. Ndele ove yelula eindilo molwoshixupe osho shi li po natango.”

JESAJA 51:19

Oinima ei ivali oye ku hanga; olyelye te ku kenukile? Ehanauno neteyaulo, ondjala neongamukonda; ohandi dulu ngahelipi oku ku hekeleka?

JEREMIA 14:7

Oilonga yetu ii nande tai tu tomhele oulunde, wanifa oshilonga shoye, Omwene, omolwedina loye, osheshi omaliteeko etu omahapu, fye twa nyona kwoove.

JEREMIA 42:2

ndele va lombwela omuxunganeki Jeremia ndele tava ti: “Omaindilo etu twe a eta koshipala shoye, tu indilila kOmwene Kalunga koye nokwiindilila oixupe ei aishe, osheshi ofye ava twa xupa movanhu vahapu, okangudu kanini, ngaashi u tu wete,

HESEKIEL 11:13

Ndele fimbo ame nda xunganeka, Pelatja, omona waBenaja, okwa fya. Opo nee ame nda wila eombe ndele nda ingida pombada, ndele handi ti: “Akutu, Omwene Kalunga, Ove wa hala okumana po mbela oshixupe shaIsrael?”

HESEKIEL 9:8

Ndele vo eshi va li tava dipaa ndele ame nda xupa po, ame nda wila po eombe ndele nda ingida handi ti: “Akutu, Omwene Kalunga, Ove oto mane po ngaho oshixupe ashishe shaIsrael eshi to tilile kombada yaJerusalem ehandu loye?”

DANIEL 9:19

Omwene, uda! Omwene, tu dimina po owii wetu! Omwene, didilika, u shi ninge molwoye mwene, ino kala ko, Kalunga kange. Osheshi oshilando shoye novanhu voye ova lukilwa edina loye.”

JOEL 2:17

Ovapristeli, ovapiya vOmwene, nava kale nokulila pokati koshivelo noaltari, nava tye: “Akutu Omwene, xupifa oshiwana shoye, noshifyuululifwa shoye, ino shi efa shi fifwe ohoni, vaha shekwe koiwana. Oshike tava ka tya mokati koiwana: ‘Kalunga kavo oku li peni?’ ”

AMOS 4:9

“Ame onde mu dengifa shili nonhimba yoilya nonguwi yoilya. Oshipaxu osha lya po oikunino yeni ihapu nomiviinyu deni nomikwiyu deni neemono deni. Nande ongaha, nye inamu alukila kwaame, Omwene ta ti.

AMOS 7:5

Opo ame ohandi ti: “Omwene Kalunga, akutu, kanghama! Jakob ota dulu ngahelipi okukala po, osheshi omunini?”

SAKARIA 4:10

Osheshi olyelye ta dini efiku lomahovelo manini, omesho enya aheyali Omwene oo haa kevauka edu alishe, eshi taa tale nehafo oholongodi meke laSerubbabel?”

EHOLOLO 9:4

Ndele sho osha lombwelwa, shiha nyone po omwiidi wedu nakeshe tuu oshimeno shitalala ile omuti, ndelenee ovanhu tuu ava vehe nedidiliko laKalunga moipala yavo.