AMOS 1:3 - Ombibeli Iyapuki

³ Omwene ota ti ngaha: “Omolwomatauluko atatu, naane aDamaskus, Ame ihandi ka alula ehandukilo. Osheshi vo ova xwifa Gilead noixwifo yoivela.

AMOS 1:3 ပူးပေါင်းရင်းမြစ်များ

1 EEHAMBA 19:17

Ndele ou ta i onhapo eongamukonda laHasael, ota ka dipawa kuJehu. Ndele ou ta i onhapo eongamukonda laJehu, ota ka dipawa kuElisa.

2 EEHAMBA 13:3

Onghee hano ehandu lOmwene la xwamena Israel, Ye e va yandja momake aHasael, ohamba yaAram, nomomake aBenhadad yaHasael, momafiku aye aeshe.

2 EEHAMBA 13:7

Ndele Ye ina xupifila Joahas omatanga ovakwaita, ashike ovalondi veenghambe omilongo nhano, nomatemba oita omulongo umwe, novakwaita vokolupadi omayovi omulongo. Osheshi ohamba yaAram ye va kondekela noku va ninga ngaashi olungu lomoshipale.

2 EEHAMBA 16:9

Nohamba yaAsiria ye mu uda. Nohamba yaAsiria ya ya kuDamaskus ndele ye shi nangala ndele ye va twala moukwatwa kuKir, ndele ya dipaa Resin.

2 EEHAMBA 8:12

Opo nee Hasael ta ti: “Omolwashike omwene wange ta lili?” Ndele ye ta nyamukula: “Osheshi ame ndi shi shii owii u fike peni ove oto ka ningila ovana vaIsrael. Ove oto ka xwika po eehotengulu davo nokudipaa ovamati vavo neongamukonda nokutyanghaula ounona vavo vanini nokutanda ovalikadi vafimba.”

JOB 19:3

Lwomulongo nokuli mwa sheka nge, ndele tamu hepeke nge muhe neudito lohoni.

JOB 5:19

Momaudjuu ahamano Ye ote ku xupifa mo, heeno, momaudjuu aheyali, oshiponga nande shimwe itashi ku hange.

OMAYELETUMBULO 6:16

Oinima ei iheyali Omwene te i tondo, noinima iheyali oyo oixuna komwenyo waye:

OMUUDIFI 11:2

Oshitukulwa shi yandjela vaheyali, heeno, vahetatu yo, osheshi inamu shiiva omupya washike tau ka kala kombada yedu.

JESAJA 28:27

Osheshi okumina ilaula ihai xuwa nomushi, nokuulu kwetemba ihaku ende kombada yokumina younyenye; ndelenee okumina ilaula ohai dengwa noikulumbwati nokumina younyenye ohai xuwa noshivalati.

JESAJA 41:15

Tala, Ame ohandi ku shitukifa oshixwifolei shipe, shi na omayoo mahapu. Ove to ka xwa, ndele to ka nyanyaula eemhunda, nomitunda oto di ningi ngaashi olungu.

JESAJA 7:16

Osheshi omumati ou fimbo ina shiiva okweefa owii nokuhoolola ouwa, edu olo leehamba odo mbali we di tila, otali ningi omaputu.

JESAJA 7:8

Osheshi Damaskus osho omutwe waAram, nomutwe waDamaskus oResin, nongeenge pa pita omido omilongo hamano nanhano, Efraim otashi teka po, noshihe fi vali oshiwana;

JESAJA 8:4

Osheshi manga okaana taka shiiva okwiifana ‘Tate!’ ile ‘Meme!’ Oupuna waDamaskus noitinhwa yaSamaria otai iwa nayo kohambo yaAsiria.”

AMOS 1:11

Omwene osho ta ti: “Omolwomatauluko atatu, naane aEdom, Ame ihandi ka alula ehandukilo. Osheshi ye a taataa omumwaina neongamukonda, ndele ye a ekelashi onghenda, opo ehandu laye la kala la xwama alushe, ndele a diinina oupyuhandu waye fiyo alushe.

AMOS 1:13

Omwene osho ta ti: “Omolwomatauluko atatu, naane ovana vaAmmoni, Ame ihandi ka alula ehandukilo. Osheshi ova tanda ovakainhu ovafimba vomuGilead, opo va tandavelife oshilongo shavo.

AMOS 1:6

Omwene ota ti ngaha: “Omolwomatauluko atatu, naane aGasa, ihandi ka alula ehandukilo. Osheshi vo ova twala oonakukalamo aveshe moukwatwa nove va yandjela Edom.

AMOS 1:9

Omwene osho ta ti: “Omolwomatauluko atatu, naane aTirus, Ame ihandi ka alula ehandukilo. Osheshi vo ova yandja oonakukalamo aveshe kuEdom, ndele inava dimbulukwa oumwainafana.

AMOS 2:1

Omwene osho ta ti: “Omolwomatauluko atatu naane aMoab, Ame ihandi ka alula ehandukilo. Osheshi vo va xwika omakipa ohamba yaEdom omute.

AMOS 2:4

Omwene osho ta ti: “Omolwomatauluko atatu, naane aJuda, Ame ihandi ka alula ehandukilo. Osheshi vo ohava ekeleshi omhango yOmwene, ndele inava diinina eenghedimhango daye. Ndele oikalunga yavo yoipupulu oye va pukifa, oyo ya shikulwa kooxekulu.

AMOS 2:6

Omwene osho ta ti: “Omolwomatauluko atatu, naane aIsrael, Ame ihandi ka alula ehandukilo. Osheshi hava landifa po omuyuki oimaliwa nohepele eenghaku mbali.

SAKARIA 9:1

Exunganeko, ondjovo yOmwene tai popi oshilongo shaHadrak, ndele tai hange Damaskus, osheshi omesho Omwene a lyaamena ovanhu momapata aeshe aIsrael.

SAKARIA 9:2

Nosho yo Hamat eshi sha shaama nasho, naTirus naSidon, osheshi oyo i neendunge dihapu vati.