2 SAMUEL 9:7 - Ombibeli Iyapuki

⁷ Ndele David ta ti kuye: “Ino tila, osheshi oshili ame ohandi ke ku fila onghenda omolwaxo Jonatan, ndele ame ohandi ke ku alulila omapya aeshe axokulu Saul. Ndele ove mwene oto ka lya alushe poshililo shange.”

2 SAMUEL 9:7 ပူးပေါင်းရင်းမြစ်များ

GENESIS 43:18

Ndele ovalumenhu ova li va tila, eshi va etwa meumbo laJosef ndele tava ti: “Fye otwa etwa mo omolwoimaliwa inya twa hangele momakutu etu, eshi twa ile oku tete, opo ve tu vakele, ve tu kondekele mo, opo tu kwatwe ovapika pamwe neendongi detu.”

GENESIS 43:23

Opo nee ye okwa nyamukula ta ti: “Ombili kunye! Inamu kala mwa tila! Kalunga keni naKalunga kooxo okwe mu pa emona momakutu eni. Oimaliwa yeni onde i pewa.” Opo nee ye okwa eta Simeon puvo.

2 SAMUEL 12:8

ndele Ame nde ku pa eumbo lomwene woye novalikadi vomwene woye mekolo loye. Ndele Ame nde ku pa epata laIsrael nolaJuda. Ndele osho ngeenge osha li shinini, ngeno ohandi ku wedele ko vali oinima ya tya ngaha.

2 SAMUEL 19:28

Osheshi eumbo lange alishe la kala pomwene wange ohamba ngaashi ovalumenhu va yandjwa mefyo. Nande ngaha, omupiya woye ove we mu tula mongudu yaava hava li koshililo shoye. Hano ame ondi noufemba washike vali, opo ndi pule sha kohamba?”

2 SAMUEL 19:29

Opo nee ohamba tai ti kuye: “Omolwashike to popi vali oshinima osho? Handi ti: Nye naSiba litaulileni omapya.”

2 SAMUEL 19:33

Opo nee ohamba tai ti kuBarsillai: “Tauluka pamwe naame, opo nee ame ohandi ke ku palula pwaame muJerusalem.”

2 SAMUEL 21:7

Ndelenee ohamba ya fila onghenda Mefiboset yaJonatan yaSaul, omolweano kOmwene, la li pokati kaDavid naJonatan yaSaul.

2 SAMUEL 9:1

Ndele David okwa pula ta ti: “Pe na tuu umwe a xupa po womepata laSaul, opo ndi mu file onghenda omolwaJonatan?”

2 SAMUEL 9:10

Ndele ove u noku mu longela epya, ove mwene novana voye ovamati novapika voye. Ndele u noku li teya, opo omona womwene woye a kale e nomungome wokulya. Ndelenee Mefiboset, omona womwene woye ota ka lya alushe omungome poshililo shange.” Ndele Siba okwa li e novamati omulongo navatano novapika omilongo mbali.

2 SAMUEL 9:11

Opo nee Siba ta ti kohamba: “Ngaashi omwene wange ohamba tai lombwele omupiya wayo, osho omupiya woye ta ka ninga.” Ndele Mefiboset okwa li ta li poshililo shaDavid ngaashi umwe womovana ovamati vohamba.

2 SAMUEL 9:13

Ndele Mefiboset okwa kala muJerusalem ndele ta li alushe poshililo shohamba. Ndele okwa li a lemana eemhadi adishe.

2 SAMUEL 9:3

Nohamba tai pula: “Ope na tuu natango umwe womepata laSaul, opo ndi shiive oku mu ningila pafilonghenda laKalunga?” Opo nee Siba ta ti kohamba: “Ope na natango omona waJonatan, a lemana eemhadi adishe.”

1 EEHAMBA 2:7

Ndelenee ovana ovamati vaBarsillai, Omugilead, u noku va fila onghenda, vo ve nokukala vomongudu oyo tai li poshililo shoye, osheshi naavo yo ve uya okukwafa nge ame eshi nda ya onhapo omumwanyoko Absalom.

2 EEHAMBA 25:29

Nokwa itavelwa okulidula oikutu younghwate. Ndele ta li omungome koshipala shohamba omafiku aeshe okukalamwenyo kwaye.

OMAPSALOME 41:9

Neume lange nokuli, eli nde lineekela nomutima aushe, nola li hali li eendja dange, olo la yelulila nge oshififinwa, li fangule nge.

JEREMIA 52:33

Ndele Jehoiakin okwa dulwa oikutu yaye yomodolongo. Nomafiku aeshe okwa kala ha li eendja moipafi yaye, fimbo e nomwenyo.

SAKARIA 7:9

“Omwene womatanga ovakwaita osho ta ti: ‘Tokoleni omatokolo a yuka ndele holafaneni, nye mu filafane onghenda.

MATEUS 6:11

omungome wetu womafiku aeshe u tu pa yo nena;

LUKAS 22:30

mu shiive okulya nokunwa poshililo shange, nokukala omutumba komalukalwa nokutokola omapata omulongo naavali aIsrael.

EHOLOLO 3:20

Tala, ondi li ofika poshivelo ndele handi konghola, ngeenge ope na ou ta udu ondaka yange ndele ta yeulula oshivelo, ohandi piti nokuuya kuye, ndele hatu li ouvalelo pamwe naye, naye pamwe naame.

1 SAMUEL 12:24

Tileni ashike Omwene noku mu longela noudiinini nomutima weni aushe. Osheshi taleni oinima inene i fike peni Ye e mu ningila.

1 SAMUEL 20:15

Ndele ino efa okufila onghenda epata lange nomefimbo olo Omwene ta hanauna po ovatondadi aveshe vaDavid kombada yedu.”

1 SAMUEL 22:23

Kala pwaame, ino tila. Osheshi ovo hava kongo omwenyo wange, otava kongo yo omwenyo woye, osheshi ove u neameno liwa pwaame.”