2 SAMUEL 9:3 - Ombibeli Iyapuki

³ Nohamba tai pula: “Ope na tuu natango umwe womepata laSaul, opo ndi shiive oku mu ningila pafilonghenda laKalunga?” Opo nee Siba ta ti kohamba: “Ope na natango omona waJonatan, a lemana eemhadi adishe.”

2 SAMUEL 9:3 ပူးပေါင်းရင်းမြစ်များ

2 SAMUEL 19:26

Ndele ye okwa nyamukula ta ti: “Omwene wange ohamba, omupiya wange a kengelela nge, osheshi omupya woye a diladila: ‘Ame nda li nda hala okumangelwa ondongi, opo ndi shiive okulonda nokuya pamwe nohamba,’ osheshi omupiya woye oshingudu.

2 SAMUEL 19:27

Ye okwa lundila nge yo, omupiya woye koshipala shomwene wange, ohamba, ndelenee omwene wange ohamba i li ngaashi omweengeli waKalunga; ninga hano eshi tashi ku wapalele.

2 SAMUEL 4:4

Ndele Jonatan yaSaul okwa li e nomona omumati, a lemana omaulu aye aeshe avali. Omido daye da li nhano eenghundana eshi de uya, da dja muJisreel tadi tongo Saul naJonatan. Omuleli waye e mu kufa nokwa ya onhapo, ndelenee fimbo ta i onhapo nokweendelela, okaana ka wila po noka ninga oshingudu. Nedina lako la li Mefiboset.

2 SAMUEL 9:13

Ndele Mefiboset okwa kala muJerusalem ndele ta li alushe poshililo shohamba. Ndele okwa li a lemana eemhadi adishe.

2 SAMUEL 9:7

Ndele David ta ti kuye: “Ino tila, osheshi oshili ame ohandi ke ku fila onghenda omolwaxo Jonatan, ndele ame ohandi ke ku alulila omapya aeshe axokulu Saul. Ndele ove mwene oto ka lya alushe poshililo shange.”

LUKAS 6:36

Kaleni mu nonghenda, ngaashi Xo yeni e nonghenda.

DEUTERONOMION 10:15

Ndelenee ashike ooxo yoye Omwene okwe va hokwa nokwa li e va hole, ndele Ye okwe mu hoolola, nye oludalo lavo, moiwana aishe, ngaashi shi li nonena eli.

DEUTERONOMION 4:37

Ndele Ye eshi kwa li e hole ooxo nokwa hoolola oludalo lavo komesho yavo, ndele Ye mwene e mu pitifa mo muEgipiti neenghono daye dinene,