2 SAMUEL 8:4 - Ombibeli Iyapuki

⁴ Ndele David okwa kwata kuye eenghwate ovalondi veenghambe eyovi nomafele aheyali novakwaita vokolupadi omayovi omilongo mbali. David okwa teta omifipa deemhando deenghambe adishe dokomatemba, ndelenee a xupifa po eenghambe efele limwe dokomatemba.

2 SAMUEL 8:4 ပူးပေါင်းရင်းမြစ်များ

GENESIS 49:6

Omwenyo wange itau pande eenghundafana davo, omutima wange itau kala neemhangela davo, osheshi mehandu lavo va dipaa ovalumenhu, nomoupwidi wavo va ngudupaleka eemhedi.

1 EEHAMBA 10:26

Salomo okwa ongela omatemba oita novalondi veenghambe, onghee okwa li e nomatemba eyovi nomafele ane oita novalondi omayovi omulongo naavali veenghambe. Okwe va nangeka muJerusalem nomoilando ikwao.

1 OMAFIMBO 18:4

Ndele David okwa kufa kuyo omatemba oita eyovi novalondi omayovi aheyali veenghambe novakwaita vokolupadi omayovi omilongo mbali. Ndele David okwa teta omifipa deemhando deenghambe adishe dokomatemba, ndelenee okwa xupifa eenghambe efele dokomatemba.

OMAPSALOME 20:7

Oku na ovo have lineekele omatemba oita navamwe eenghambe; ndelenee fye hatu hepaulula edina lOmwene Kalunga ketu.

DEUTERONOMION 17:16

Ndelenee yo ihe likongele eenghambe dihapu, ndele inai shunifa ovanhu kuEgipiti, yo i likongele eenghambe dihapu, osheshi Omwene okwe mu lombwelele: Inamu shuna vali nande nondjila tuu ei.

JOSUA 11:6

Opo nee Omwene okwa lombwela Josua: “Ino va tila, osheshi mongula mefimbo tuu eli Ame ohandi ke va taataa aveshe noku va yandja kOvaisraeli. Nye mu nokuteta omifipa deemhando deenghambe davo nokuxwika po omatemba avo nomundilo.”

JOSUA 11:9

Ndele Josua okwe va ningila ngaashi Omwene e mu lombwela: okwa teta omifipa deemhando deenghambe davo nokwa xwika po omatemba avo oita nomundilo.