2 SAMUEL 6:20 - Ombibeli Iyapuki

²⁰ David eshi a aluka a ka tale eumbo laye, Mikal yaSaul e uya ta shakeneke David ndele ta ti: Ohamba yaIsrael e lifimanekifa ngahelipi nena, eshi e lidula momesho ovapika ovakainhu vovapiya vayo, ngaashi ovaholi voipala tave lidula.

2 SAMUEL 6:20 ပူးပေါင်းရင်းမြစ်များ

GENESIS 18:19

Osheshi Ame onde mu hoolola, opo a lombwele ovana vaye neumbo laye nokutya, nava diinine ondjila yOmwene, va shiive okulonga ouyuki noshili, opo Omwene a wanifile Abraham eshi Ye e mu udanekela.”

2 SAMUEL 6:14

Ndele David okwa tanha nokunhuka neenghono moipafi yOmwene. Ndele David okwa li a djala oshikutu sholiina shokomapepe.

2 SAMUEL 6:16

Oshikefa shOmwene eshi she uya moshilando shaDavid, Mikal yaSaul okwa talela mombululu yekende ndele ta mono ohamba David ta tanha nokunhuka moipafi yOmwene. Ndele ye e mu dina momutima waye.

2 SAMUEL 6:18

David eshi a mana okuyamba omaxwikiloyambo nomapanduloyambo ye okwa nangeka ovanhu noupuna medina lOmwene womatanga ovakwaita.

2 SAMUEL 6:19

Nokwa yandjela ovanhu aveshe, eongalo alishe laIsrael, ovalumenhu novakainhu, keshe umwe omungome umwe, onhumba yombelela noshikuki sheeviinyu. Opo nee ovanhu aveshe, keshe umwe a ya keumbo lavo.

1 OMAFIMBO 16:43

Novanhu aveshe, keshe umwe, eshi a shuna keumbo laye, David okwa piluka, a ka nangeke noupuna eumbo laye.

JOB 30:8

ovo oludalo longaho kalu noshilonga, ovanhu vehe nefimano, va tewa mo moshilongo.

OMAPSALOME 101:2

Mokweenda kwange onda hala ndi diinine ouyuki. Akutu, onaini to uya kwaame? Meumbo lange onda hala ndi kale mo nomutima wa yela.

OMAPSALOME 30:1

Omwene, nda hala ndi ku fimaneke pombada, osheshi Ove wa shila nge movayelani vange, noino va pa omhito, va hafele nge.

OMUUDIFI 7:17

Ino kala unene omukolokoshi, ndele ino kala elai. Omolwashike ngeno u fye efimbo manga inali fika?

MARKUS 14:66

Ndele fimbo Petrus a li pehalandjadja loposhi, kamwe komoukadona vomupristeli omukulunhu oke uya po.

MARKUS 3:21

Ndele vakwao eshi ve mu uda, ova ya ko ve ke mu kwate, osheshi okwa tiwa: “Ota i eenghwengu.”

JOHANNES 13:6

Oye okwe uya kuSimon Petrus, ou ta ti kuye: “Omwene, Ove oto kosho eemhadi dange?”

JOSUA 24:15

Ndelenee ngeenge inashi mu wapalela okulongela Omwene, lihoololeleni nena eli ou mwa hala oku mu longela, ngeenge oikalunga ooxo va longela kombada yaEufrat ile oikalunga vOvaamori medu lavo mu li. Ndelenee ame neumbo lange hatu ka longela Omwene.”

OVATOKOLIPANGELI 9:4

Vo ove mu pa eeshekeli omilongo heyali oisiliveli yomongulu yaBaal-Berit, nado Abimelek okwe liongelifa nokufuta ovalofu novakolokoshi, ndele vo ove mu shikula.

1 SAMUEL 14:49

Novana ovamati vaSaul va li: Jonatan naJisvi naMalkisua, nomadina ovana vaye oukadona vavali: edina lomukulunhu la li Merab, nedina londenge la li Mikal.

1 SAMUEL 18:20

Ndelenee Mikal, omona okakadona kaSaul, okwa li e hole David. Ndele vo eshi ve shi lombwela Saul, osho she mu wapalela.