2 SAMUEL 6:19 - Ombibeli Iyapuki

¹⁹ Nokwa yandjela ovanhu aveshe, eongalo alishe laIsrael, ovalumenhu novakainhu, keshe umwe omungome umwe, onhumba yombelela noshikuki sheeviinyu. Opo nee ovanhu aveshe, keshe umwe a ya keumbo lavo.

2 SAMUEL 6:19 ပူးပေါင်းရင်းမြစ်များ

2 SAMUEL 6:18

David eshi a mana okuyamba omaxwikiloyambo nomapanduloyambo ye okwa nangeka ovanhu noupuna medina lOmwene womatanga ovakwaita.

2 SAMUEL 6:20

David eshi a aluka a ka tale eumbo laye, Mikal yaSaul e uya ta shakeneke David ndele ta ti: Ohamba yaIsrael e lifimanekifa ngahelipi nena, eshi e lidula momesho ovapika ovakainhu vovapiya vayo, ngaashi ovaholi voipala tave lidula.

1 EEHAMBA 8:66

Mefiku etihetatu ye okwa lekela ovanhu, ndele vo ova nangeka noupuna ohamba ndele va ya komatwali avo, nokuhafa nokushambukwa meemwenyo omolwoinima aishe iwa Omwene a ningila omupiya waye David noshiwana shaye Israel.

1 OMAFIMBO 16:3

Nokwa tukulila Omuisraeli keshe, ovalumenhu novakainhu, keshe umwe, omungome nonhumba yombelela noshikamena sheeviinyu.

1 OMAFIMBO 16:43

Novanhu aveshe, keshe umwe, eshi a shuna keumbo laye, David okwa piluka, a ka nangeke noupuna eumbo laye.

2 OMAFIMBO 30:24

Osheshi Hiskia, ohamba yaJuda, ya yandja koshiongalele eengobe deemhedi eyovi needi omayovi aheyali. Novakulunhu va yandja koshiongalele eengobe deemhedi eyovi needi omayovi omulongo. Novapristeli vahapu ve liyapula.

2 OMAFIMBO 7:10

Ndele mefiku etimilongo mbali netitatu mohani onhiheyali okwa lekela ovanhu va ye komatwali avo. Va hafa nokushambukwa komwenyo omolwoinima iwa Omwene a ningila David naSalomo noshiwana shaye Israel.

NEHEMIA 8:10

Ye okwe va lombwela vali: “Indeni mu ka lye eendja dinyenye ndele mu ka nwe oikunwa inyenye, ndele tumeni eendja kwaava inava telekelwa sha. Osheshi efiku eli la yapulilwa Omwene wetu; onghee hano inamu nyika oluhodi, osheshi ehafo mOmwene olo eenghono deni.”

EIMBILOELELA 2:5

Pamekei nge noikamena yeeviinyu, hekelekei nge noiimati yomaapula, osheshi ohandi vele ohole.

HESEKIEL 45:17

Ndelenee ohamba i kale i noshisho shomaxwikiloyambo neendjayambo noikunwayambo moivilo nomefimbo lohani ipe, nomomashabata, momafimbo aeshe oivilo yeumbo laIsrael. Yo i nokulongekida etimbayambo neendjayambo nomaxwikiloyambo nomapanduloyambo, opo a etele eumbo laIsrael ekwatakanifo.”

HOSEA 3:1

Ndele Omwene okwa lombwela nge ta ti: “Inda vali u ka hole omwalikadi e holike komulumenhu waye, ndele ou ta teya ohombo, ngaashi Omwene e hole yo ovana vaIsrael, ndele vo otava pungulukile koikalunga imwe, ndele ve hole oikuki yeeviinyu.”

OILONGA YOVAYAPOSTOLI 20:35

Moinima aishe onde mu ulikila, osho ngaha tu nokulonga nokukwafa oingone nokudimbulukwa eendjovo dOmwene Jesus e di popya Ye mwene: ‘Okuyandja oku nelao komesho yokutambula.’ ”

OVAEFESO 4:8

Onghee hano ta ti: “Mokulonda kwaye kombada okwa ya neenghwate, odo oshihakanwa shaye, nokwa yandja eeshali kovanhu.”

JOSUA 22:6

Opo nee Josua okwe va nangeka noupuna ndele te va lekele. Ndele vo ova ya komatwali avo.