2 SAMUEL 6:14 - Ombibeli Iyapuki

¹⁴ Ndele David okwa tanha nokunhuka neenghono moipafi yOmwene. Ndele David okwa li a djala oshikutu sholiina shokomapepe.

2 SAMUEL 6:14 ပူးပေါင်းရင်းမြစ်များ

2 SAMUEL 6:15

Osho ngaha hano David neumbo alishe laIsrael va eta oshikefa shOmwene nokunyakukwa nokushika omanghuma.

2 SAMUEL 6:20

David eshi a aluka a ka tale eumbo laye, Mikal yaSaul e uya ta shakeneke David ndele ta ti: Ohamba yaIsrael e lifimanekifa ngahelipi nena, eshi e lidula momesho ovapika ovakainhu vovapiya vayo, ngaashi ovaholi voipala tave lidula.

1 OMAFIMBO 15:27

Ndele David okwa li a djala ombaikifa yokombada ya hondjwa koshiyata shiwa sholiina, nosho yo Ovalevi aveshe ava va humbata oshikefa, novaimbi nomukulunhu wetuto, Kenanja pamwe novaimbi. Ndele David okwa li e noshikutu sholiina shokomapepe.

OMAPSALOME 149:3

Nava fimaneke unene pombada edina laye nokutanha, vo ve mu shikile eengoma nouxumbafeta.

OMAPSALOME 150:4

Mu tangeni noungoma neenghuwilili, mu tangeni nokauta nepoli!

OMAPSALOME 30:11

Enyeme lange, owe li shitukifa ehafotanhelo, Ove owa dula nge oshikutu sheenghali, ndele to dike nge ekwamo lehafo,

OMAPSALOME 87:7

Mokwiimba nokutanha tava ti: “Eefifiya adishe dange di li mwoove.”

EXODUS 15:20

NaMirjam omuxunganeki omumwaina waAron, okwa kufa ko okangoma meke laye. Novakainhu aveshe va enda naye ve noungoma.

EXODUS 15:21

NaMirjam okwa ya mo, te va tumbulile, ndele ta ti: “Imbileni nokufimaneka Omwene, osheshi Ye omufimanekwa pombada Eenghambe novalondi vado Ye e va undaula mefuta.”

EXODUS 19:6

Ndele nye otamu ka kalela nge ouhamba wovapristeli noshiwana shiyapuki. Odo hano eendjovo u noku di lombwela Ovaisraeli.”

OMUUDIFI 9:10

Longa ashishe to shi dulu neenghono doye, osheshi moshovafi omu to i, kamu na nande oshilonga, ediladilo neshiivo ile ounongo.

HESEKIEL 46:10

Nohamba i nokweendela pamwe navo, ngeenge tava i mo nongeenge tava aluka ko, yo i nokwaalukila pamwe navo.

LUKAS 15:25

“Ndelenee omona waye omukulunhu okwa hangika mepya. Hano eshi e uya a fika popepi neumbo, okwa uda mo olwiimbo noudano.

DEUTERONOMION 6:5

Ndele ove hola Omwene Kalunga koye nomutima woye aushe, nomwenyo woye aushe, neenghono doye adishe.

OVAKOLOSSI 3:23

Keshe eshi tamu shi ningi, shi ningeni komitima deni nokulongela Omwene, hamunhu,

OVATOKOLIPANGELI 11:34

Ndele Jefta eshi e uya kuMispa popepi neumbo laye, omona waye okakadona, okwa pita mo e mu shakeneke, ta tanhe ta nhuka, ta shiki okaxumba. Ye okwa li omona waye ewifa, ehe nomona omumati ile okakadona ponho yaye.

OVATOKOLIPANGELI 21:21

Ndele taleni, ngeenge tamu mono oukadona vomuSilo tave uya va ka dane, opo nee nye mu nokudja mo moikokola yomiviinyu ndele mu nokukwata, keshe umwe, omwalikadi waye moukadona vomuSilo nokuya koshilongo shaBenjamin.

1 SAMUEL 2:18

Ndelenee okamati Samuel ka yakula moilonga koshipala shOmwene, ndele ka li ka djala oshikutu shokomapepe sholiina.

1 SAMUEL 2:28

Ndele Ame onde mu hoolola momapata aeshe aIsrael ngaashi omupristeli, a londe koaltari yange a xwameke oitwiminifo ndele a djale oshikutu shokomapepe moipafi yange. Ndele Ame nda yandja kepata laxo omindiloyambo adishe dovana vaIsrael.

1 SAMUEL 22:18

Opo nee ohamba tai ti kuDoeg: “Ehena oku, ove u dipae ovapristeli.” Opo nee Doeg, Omuedom, a ehena po ndee ta dipaa ovapristeli. Ndele mefiku tuu olo ye okwa dipaa ovalumenhu omilongo hetatu navatano ava va djala oikutu yoliina yokomapepe.