2 SAMUEL 4:8 - Ombibeli Iyapuki

⁸ ndele va etela David muHebron omutwe waIsboset ndele tava ti kohamba: Omutwe ou owaIsboset yaSaul, omutondadi woye, ou a konga omwenyo woye. Ndelenee nena eli Omwene okwa handukila Saul noludalo laye ponhele yomwene wange.

2 SAMUEL 4:8 ပူးပေါင်းရင်းမြစ်များ

2 SAMUEL 18:19

Opo nee Ahimas yaSadok ta ti: “Efe nge, ndi tondoke ndi twale kohamba ondaka ei iwa, nokutya Omwene e mu alulila ouyuki moipafi yovatondadi vaye.”

2 SAMUEL 18:31

Omuetiopia e uya. NOmuetiopia ta ti: “Omwene wange ohamba nai tambule ondaka yehafo nokutya, Omwene e ku pa nena eli ouyuki moipafi yaaveshe ovo ve ku twila ondubo.”

2 SAMUEL 2:8

Ndelenee Abner yaNer, ondjai yaSaul, okwa kufa Isboset yaSaul ndele e mu twala kuMahanaim,

2 SAMUEL 22:48

Kalunga okwa pa nge okufinda ovatondadi vange a tula oiwana koshi yange,

OMAPSALOME 71:24

Nelaka lange nali udife ouyuki woye efiku alishe; osheshi ava, va li va halela nge oudjuu, ova fifwa ohoni ndele va ninipikwa.

MATEUS 2:20

ndele ta ti: “Fikama, kufa okaana naina, u ye kedu laIsrael, osheshi venya va kongele omwenyo wokaana, ova fya.”

EHOLOLO 18:20

“Shi nyakukilweni, eulu novayapuki novayapostoli novaxunganeki, osheshi Kalunga okwe shi tokola noku shi kwatela onghone molweni.”

EHOLOLO 6:10

Ndele vo ova ingida nondaka inene tava ti: “Omwene Oove omuyapuki nomunashili, fiyo onaini ito tokola, Ove u handukilile ohonde yetu ovakali kombada yedu?”

1 SAMUEL 18:11

Opo nee Saul ta umbu eonga ndee ta ti: “Onda hala okutwa David, ndi mu twile kumwe nekuma!” Ndelenee David okwa yepa luvali.

1 SAMUEL 19:1

Ndele Saul okwa popya naJonatan novapiya vaye aveshe nokutya, David e nokudipawa. Ndelenee Jonatan, omona waSaul okwa hokwa unene David.

1 SAMUEL 19:15

Opo nee Saul okwa tuma ovatumwa va ka tale David nondaka ei: “Mu eteni pamwe nombete yaye noinima aishe kwaame ndi shiive oku mu dipaa.”

1 SAMUEL 20:1

Opo nee David a ya onhapo a dja muNajot puRama, ndele okwe uya kuJonatan ndee ta pula: “Ame onda ninga shike? Okunyona kwange okwaashike netimba lange koshipala shaxo olashike, ye eshi ta kongo omwenyo wange?”

1 SAMUEL 23:15

Ndelenee David okwa dimbulukwa nokutya, Saul a fikama a ka konge omwenyo waye. David okwa li muHores mombuwa yaSif.

1 SAMUEL 24:4

Novalumenhu vaDavid tava ti kuye: “Tala, efiku eli olo tuu olo Omwene te ku lombwele: ‘Paife Ame ohandi yandje omutondadi woye meke loye, ndele mu ningila ngaashi she ku wapalela.’ ” Opo nee David ta fikama ndee ta ende ta hondjaunine ndee ta tete okavando komunghulo woshikutu shaSaul.

1 SAMUEL 25:29

Ngeenge omunhu umwe ta fikama e ku twile ondubo a konge omwenyo woye, omwenyo womwene wange nau kale wa mangwa kumwe moshipandi shovanamwenyo pOmwene Kalunga koye. Ndelenee omwenyo womutondadi woye ne u kupwileshi noshiumbifo.