2 SAMUEL 4:4 - Ombibeli Iyapuki

⁴ Ndele Jonatan yaSaul okwa li e nomona omumati, a lemana omaulu aye aeshe avali. Omido daye da li nhano eenghundana eshi de uya, da dja muJisreel tadi tongo Saul naJonatan. Omuleli waye e mu kufa nokwa ya onhapo, ndelenee fimbo ta i onhapo nokweendelela, okaana ka wila po noka ninga oshingudu. Nedina lako la li Mefiboset.

2 SAMUEL 4:4 ပူးပေါင်းရင်းမြစ်များ

2 SAMUEL 21:7

Ndelenee ohamba ya fila onghenda Mefiboset yaJonatan yaSaul, omolweano kOmwene, la li pokati kaDavid naJonatan yaSaul.

2 SAMUEL 9:13

Ndele Mefiboset okwa kala muJerusalem ndele ta li alushe poshililo shohamba. Ndele okwa li a lemana eemhadi adishe.

2 SAMUEL 9:3

Nohamba tai pula: “Ope na tuu natango umwe womepata laSaul, opo ndi shiive oku mu ningila pafilonghenda laKalunga?” Opo nee Siba ta ti kohamba: “Ope na natango omona waJonatan, a lemana eemhadi adishe.”

2 SAMUEL 9:6

Mefiboset yaJonatan yaSaul, eshi e uya kuDavid okwe linyongamena poshi ndele ta wile eombe. Ndele David ta ti: “Mefiboset!” Ndele ye ta nyamukula: “Omupiya woye aame ou!”

1 EEHAMBA 11:17

Ndelenee Hadad okwa ya onhapo ndele pamwe naye ovalumenhu Ovaedom vomovapiya vaxe, va ye kuEgipiti. Ndele Hadad okwa li omunyasha.

1 OMAFIMBO 8:34

Nomona waJonatan okwa li Merib-baal, ndele Merib-baal okwa dala Mika.

1 OMAFIMBO 9:40

Nomona omumati waJonatan okwa li Merib-baal, ndele Merib-baal okwa dala Mika.

1 SAMUEL 29:1

NOvafilisti va ongela omatanga avo aeshe ovakwaita puAfek, fimbo Ovaisraeli va onga onhanda pofifiya oyo i li puJisreel.

1 SAMUEL 29:11

Onghee hano David a fikama novalumenhu vaye ongula inene va ka shune koshilongo shOvafilisti. Ndelenee Ovafilisti va ya kuJisreel.