2 SAMUEL 3:39 - Ombibeli Iyapuki

³⁹ Ndelenee ame oshingone natango, nande nda vaekwa ndi ninge ohamba, ndele ovalumenhu ovo, ovana ovamati vaSeruja otava nyenge nge molwoukukutu wavo. Omwene na alulile omukolokoshi paukolokoshi waye!”

2 SAMUEL 3:39 ပူးပေါင်းရင်းမြစ်များ

2 SAMUEL 16:10

Ndelenee ohamba tai ti: “Ondi na shike nanye, nye ovana ovamati vaSeruja? Ye ngeenge ta tukana, kashiimba Omwene e mu lombwela: ‘Tuka David.’ Olyelye ta dulu hano okupula: ‘Omolwashike to shi ningi?’ ”

2 SAMUEL 19:13

Ndele lombweleni Amasa mu tye: ‘Ove ndishi ekipa lomomakipa ange nonhumba yomonhumba yange? Kalunga na handukile nge nena nokomesho ove ngeenge ito ka ninga ondjai momafiku aeshe ponhele yaJoab!’ ”

2 SAMUEL 19:22

Ndelenee David ta ti: “Ame ndi na shike nanye, ovana ovamati vaSeruja, nye eshi tamu ningi ovashindadi vange nena eli? Oku na tuu omunhu umwe e nokufya nena muIsrael? Osheshi ndi shi shii, nokutya nena eli nda ninga ohamba yaIsrael.”

2 SAMUEL 3:38

Ohamba ya lombwela vali ovapiya vayo, tai ti: “Inamu shiiva nokutya, nena omukulunhu nomulumenhu munene womuIsrael a fya?

1 EEHAMBA 2:32

Opo ohonde yaye Omwene e i alulile komutwe waye mwene, eshi a nhukila ovalumenhu vavali, ovo va li ovayuki novawa, ve mu dule. Ndele e va dipaa neongamukonda fimbo tate David ine shi shiiva: Abner yaNer, ondjai yaIsrael, naAmasa yaJeter, ondjai yaJuda.

1 EEHAMBA 2:9

Ndelenee ove ino mu efa a kale ina handukilwa, osheshi ove omulumenhu omunaendunge, ndele u shi shii osho u noku mu ningila, opo eenghwakutoka daye u di kulukilifile moshovafi pamwe nohonde.”

1 OMAFIMBO 22:5

Osheshi David ta ti: “Omumwange Salomo omunyasha wokasheshelutu ndele ongulu oyo tai ka tungilwa Omwene, i nokuninga inene i dule eengulu adishe, i ninge etumbalo newapalo loilongo aishe. Nandi mu longekidile hano etungo.” Onghee hano David, fimbo ina fya, a longekida oitungifo ihapu.

1 OMAFIMBO 29:1

Ohamba David ya lombwela vali oshiongalele ashishe: “Omumwange Salomo, ou a hoololwa kuKalunga, ye omunyasha noke na eshiivo la wana, noshilonga oshinene, ndelenee ouhamba oo kau fi womunhu, ndelenee owOmwene Kalunga.

2 OMAFIMBO 13:7

Novalumenhu vehe nelipulo novakolokoshi va ongala puye ndele va dula Rehabeam yaSalomo. Ndele Rehabeam okwa li omunyasha e nomutima u noumbada, onghee hano a nyengwa okulipopila.

OMAPSALOME 101:8

Keshe tuu ongula onda hala okudima po ovadudu aveshe vomoshilongo, ame ndi kombolole po moshilando shOmwene ovaningi vowii aveshe.

OMAPSALOME 28:4

Va alulila shi fike poilonga yavo nopoumbudi woiningwa yavo; va alulila shi fike pokunyona kwomake avo, Oove, u va pe ondjabi, ei va longela.

OMAPSALOME 62:12

Nosho yo, Omwene, ouwanghenda owoye; nomunhu keshe Ove to mu ningile shi fike pailonga yaye.

OMAPSALOME 7:16

Oiponga ei a duta, otai pinukile komutwe waye mwene, noixuna yaye otai mu alukile poluwewe laye mwene.

OMAPSALOME 75:10

Omaluvinga aeshe ovalundakani, nda hala oku a tetaula po, neembinga dovayuki ohandi di tumbu pombada.

EXODUS 21:12

“Ou ta denge omunhu ndele ta fi, oye na yandjwe okufya.

OMAYELETUMBULO 20:8

Ohamba tai kala omutumba kolukalwa letokolo, otai tokolifa omesho ayo nokutongola mo owii.

OMAYELETUMBULO 25:5

Kufa ko omuhenakalunga koshipala shohamba, opo nee olukalwapangelo layo tali ka pamekwa nouyuki.

JESAJA 3:11

Woo omudinikalunga! Ota mono oixuna, osheshi ota ka ningilwa pailonga yomake aye.

JESAJA 7:4

u mu lombwele u tye: Lilongelela wa mwena, ino tila, nomutima woye inau fya ounye nokutila oitetela ivali yoikuni tai twimina omwifi, oupyuhandu waResin nOvaaramea, nowa ou, omona waRemalja.

JEREMIA 38:5

Ndele ohamba Sedekia okwe va lombwela ta ti: “Tala, ye oku li momake eni, osheshi ohamba itai dulu okutya sha kunye.”

DANIEL 6:16

Opo nee ohamba ya lombwela, ndele vo va eta Daniel, ndele ve mu ekela mekololo leenghoshi. Ndele ohamba oya popifa Daniel tai ti: Kalunga koye, ou ho mu fimaneke alushe, ye ne ku xupife.

NUMERI 32:23

Ndelenee ngeenge itamu shi ningi, taleni, opo nee tamu nyono kOmwene, ndele kaleni mu shi shii, omanyonauno eni tae ke mu hanga.

OVAROMA 13:4

osheshi olo omuyakuli waKalunga oku ku popila. Ndele ngeenge to longo owii, kala wa tila; osheshi eongamukonda inave li djala epwanga, osheshi olo omuyakuli waKalunga okuhandukila ava tava longo owii.

2 TIMOTEUS 4:14

Aleksander, omuhambwidi woshikushu, okwa ninga nge nai unene; Omwene ote ke mu pa shi fike poilonga yaye.

OVATOKOLIPANGELI 9:57

Nowii aushe wovalumenhu vomuSekem Kalunga e u alula kombada yomitwe davo. Netulomutima laJotam yaJerubbaal le uya kombada yavo.