2 SAMUEL 3:10 - Ombibeli Iyapuki

¹⁰ Ouhamba ohandi u kufa mepata laSaul ndi dike olukalwapangelo laDavid, ye a pangele Israel naJuda, okudja kuDan fiyo okuBerseba.”

2 SAMUEL 3:10 ပူးပေါင်းရင်းမြစ်များ

2 SAMUEL 17:11

Ndelenee ame ohandi ku pe eendunge, handi ti: Ifana Ovaisraeli aveshe okudja kuDan fiyo okuBerseba va ongale pwoove, vo aveshe ngaashi eheke pomunghulo wefuta. Naave yo mwene u nokuya molwoodi.

2 SAMUEL 24:2

Opo nee ohamba tai ti kuJoab, ondjai, ya kala puye: “Endaenda mokati komapata aeshe Ovaisraeli okudja kuDan fiyo okuBerseba, ndele vala ovanhu, ndi shiive omuvalu wovanhu.”

2 SAMUEL 3:11

Ndele Isboset ina shiiva okunyamukula shaAbner, osheshi e mu tila.

2 SAMUEL 3:21

Ndele Abner ta ti kuDavid: “Ame nda hala okufikama nokwoongela Ovaisraeli aveshe komwene wange ohamba, opo va ninge ehangano naave. Opo nee to dulu okupangela ashishe osho omwenyo woye wa hala.” Opo nee David a lekela Abner ndele ye a ya nombili.

1 EEHAMBA 4:25

Onghee hano Ovajuda nOvaisraeli va kala nawa, vehe na mbudi. Keshe umwe a kala pomuviinyu waye nopomukwiyu waye, okudja kuDan fiyo okuBerseba, omafiku aeshe aSalomo.

OVATOKOLIPANGELI 20:1

Opo nee ovana aveshe vaIsrael va ongala ngaashi omulumenhu umwe auke okudja kuDan fiyo okuBerseba, pamwe noshilongo shaGilead koshipala shOmwene muMispa.

1 SAMUEL 15:28

Ndele Samuel ta ti kuye: “Onena eli Omwene okwe ku pombola mo mouhamba woye wOvaisraeli nokwe u pa mukweni ou e ku dule ouwa.

1 SAMUEL 28:17

Omwene osho a ninga ngaashi e ku lombwela mokanya kange: Omwene okwe ku kufa ouhamba nokwe u yandja komukweni David.

1 SAMUEL 3:20

Ndele Israel ashishe okudja kuDan fiyo okuBerseba sha shiiva nokutya, Samuel a tulwa po omuxunganeki wOmwene.