2 SAMUEL 3:1 - Ombibeli Iyapuki

¹ Ndele pa li oita efimbo lile pokati kepata laSaul nepata laDavid. Ndele eenghono daDavid da ehena komesho efimbo alishe, ndelenee epata laSaul la xutuka efimbo alishe.

2 SAMUEL 3:1 ပူးပေါင်းရင်းမြစ်များ

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

2 SAMUEL 2:17

Ndele mefiku tuu olo olwoodi la ninga lipyu unene, ndelenee Abner novalumenhu Ovaisraeli va tewa kovapiya vaDavid.

2 SAMUEL 2:28

Opo nee Joab a shika enghuma loluvinga lodi yomhedi, novalumenhu aveshe va kanghama ndele inava shikula vali Israel ndele inave mu lwifa vali.

2 SAMUEL 22:44

“Ndele Ove wa xupifa nge mo meemhata dovanhu vange. Ove wa ninga nge omupangeli woiwana. Ovo inandi shiiva va ninga ovapangelwa vange.

2 SAMUEL 3:6

Ndele fimbo pa li oita pokati kepata laSaul nepata laDavid, Abner okwe lipamekela eumbo laSaul.

2 SAMUEL 5:10

Ndele David a ehena komesho meenghono efimbo alishe, nOmwene Kalunga komatanga ovakwaita a kala pamwe naye.

1 EEHAMBA 14:30

Ndele alushe kwa li ku nolwoodi pokati kaRehabeam naJerobeam.

1 EEHAMBA 15:16

Ndele pokati kaAsa naBaasha, ohamba yaIsrael, pa li oita momafiku aeshe avo.

1 EEHAMBA 15:32

Ndele pokati kaAsa naBaasha, ohamba yaIsrael, pa li oita momafiku avo aeshe.

1 OMAFIMBO 11:9

Ndele David okwa ehena komesho meenghono efimbo alishe, nOmwene womatanga ovakwaita a kala pamwe naye.

1 OMAFIMBO 3:1

Ovana ovamati vaDavid ve mu dalelwa muHebron, ovava: oshiveli Amnon kuAhinoam womuJisreel; omutivali Daniel kuAbigail womuKarmel;

ESTER 6:13

Ndele Haman okwa hepaululila omwalikadi waye Seres nookaume kaye aveshe, ashishe osho she mu hanga. Opo nee ovalumenhu ovanongo nomwalikadi waye Seres ve mu lombwela: “Ngeenge Mordekai, koshipala shaye wa hovela nokuli okuxutuka, ngeenge ye owomoludi lOvajuda, ito ka dula sha, ndelenee okuwila po ashike koshipala shaye.”

ESTER 9:4

Osheshi Mordekai kwa li a kula mouhamba wohamba, netumbalo laye la tandavela moitukulwalongo aishe, shaashi omulumenhu Mordekai okwa ehena komesho moulenga.

JOB 17:9

Ndelenee omuyuki ota diinine ondjila yaye, naau e nomake a yela, ota kulu meenghono.

JOB 8:7

Opo nee ehovelo loye tali ka kala linini, ndelenee exulilo tali ningi linene.

OMAPSALOME 18:43

Ndele Ove wa xupifa nge meemhata dovanhu vange; Ove wa ninga nge omupangeli woiwana. Ovo inandi shiiva va ninga ovapangelwa vange.

OMAPSALOME 46:9

Ou ta xulifa po oita fiyo okeengaba dedu, ndele ta teyaula omauta nomaonga, nomatemba oita te a xwike po nomundilo.

OMAPSALOME 84:7

Otava ende alushe meenghono dipe, fiyo tava fiki koshipala shaKalunga muSion.

OVAGALATI 5:17

Osheshi ombelela oi nondubo nOmhepo, nOmhepo i nondubo nombelela; ohai kalafana i nondubo, opo muha ninge osho mwe shi hala.

OVAEFESO 6:12

osheshi ekondjo letu kali fi okukondjifa ombelela nohonde, ndelenee otu nokulwifa oovene novanaenghono, novapangeli vounyuni ou womilaulu, neemhepo dowii mevalelwa.

EHOLOLO 6:2

Ndele nda mona, ndele tala, opa li onghambe itoka nomulondi wayo okwa li e kwete outa nokwa pewa oshishani nokwa ya omufindani a ka findane.