2 SAMUEL 24:16 - Ombibeli Iyapuki

¹⁶ Ndelenee omweengeli eshi a nana eke laye kuJerusalem e shi tokeke, Omwene okwe lialuluka omupya, ndele a lombwela omweengeli ou a hanauna po ovanhu ndele ta ti: “Sha wana! Alula eke loye!” Nomweengeli wOmwene okwa li pefimbo olo poshipale shaArauna, Omujebusi.

2 SAMUEL 24:16 ပူးပေါင်းရင်းမြစ်များ

GENESIS 10:16

nOvajebusi nOvaamori nOvagirgasi

GENESIS 6:6

onghee Omwene okwe lialuluka eshi a ninga omunhu kombada yedu, ndele Ye ta yehama momutima waye.

2 SAMUEL 24:18

Opo nee mefiku tuu olo Gad e uya kuDavid ndele ta ti kuye: “Fikama u tungile Omwene oaltari moshipale shaArauna, Omujebusi.”

2 SAMUEL 5:8

Ndele David okwa popya efiku tuu olo ndele ta ti: “Keshe umwe ta dipaa Omujebusi ndele ta fiki fiyo okekungulukilo lomeva, ye ota taataa ovapofi noingudu oyo i yelike komwenyo waDavid!” Onghee hano tava ti: “Ovapofi noingudu itai uya meumbo.”

1 EEHAMBA 19:4

Ndelenee ye mwene okwa ya kombuwa ondjila yefiku limwe ndele ta kala omutumba momudile woshixwa sheno nokwe lihalela efyo, ndele ta ti: “Sha wana. Omwene, kufa omwenyo wange, osheshi ame ndihe dule ootate.”

2 EEHAMBA 19:35

Ndele oufiku tuu winya omweengeli wOmwene e uya nokwa dipaa monhanda yOvaasiria ovalumenhu omayovi efele nomilongo hetatu naatano. Nongula eshi kwa sha ndele va penduka, aveshe va li oimhu ihe nomwenyo.

1 OMAFIMBO 1:14

nOvajebusi nOvaamori nOvagirgasi,

2 OMAFIMBO 3:1

Ndele Salomo okwa hovela okutunga ongulu yOmwene muJerusalem komhunda yaMoria, oko Ye e lihololela xe David, monhele ya longekidwa kuDavid, yomoshipale shOmujebusi Ornan.

2 OMAFIMBO 32:21

Omwene okwa tuma omweengeli, ndele a dipaa ovaladi aveshe novakulunhu vomatanga novaneyovi vomonhanda yohamba yaAsiria, onghee yo ya li i nokushuna nokufya ohoni koshilongo shayo. Ndele yo eshi ye uya mongulu yakalunga kayo, ovo va dja molutu layo vene, ve i dipaa neongamukonda.

OMAPSALOME 135:14

osheshi Omwene ota yukifile ovanhu vaye, novapiya vaye ote va file onghenda.

OMAPSALOME 35:6

Ondjila yavo nai laulikwe, yo i kale nomufenhu, nomweengeli wOmwene ne va taatae.

OMAPSALOME 78:38

Ndelenee Ye okwa kala omunalukeno, nowii wavo e u kufa po, nokwa polifa luhapu ehandu laye melididimiko, Ye ina pendula onya yaye aishe;

OMAPSALOME 90:13

Omwene, aluka vali! Wa hala u kale ko fiyo onaini mbela? Ningila ovapiya voye olukeno.

EXODUS 12:13

Ndelenee ohonde tai ka kala kunye edidiliko meengulu omu tamu kala: Ame ngeenge handi mono ohonde, Ame ohandi ka koya po. Nye itamu ka hangika koshiponga shokunyonwa po, fimbo Ame handi denge Ovaegipiti.

EXODUS 12:23

Osheshi Omwene ta ka endaenda a denge Ovaegipiti. Ndelenee keshe apa Ye ta mono ohonde moshikulo shopombada nomeemhango odo mbali Omwene ta ka koya po ndele ita efele omudipai okuya mo momaumbo eni a dipae.

EXODUS 32:14

Opo nee Omwene okwe lialuluka kehandu eli a tongele te li ningile ovanhu vaye.

EXODUS 9:28

Ilikaneni Omwene, osheshi endundumo laKalunga neemhawe da ninga dihapu unene. Opo nee handi mu lekele, itamu pumbwa okukala po vali.”

JESAJA 27:8

Moku mu ta po nomoku mu kandula po, Ove we mu handukila. Oye okwe mu komba po noshikungulu shaye sheenghono mefiku lomhepo yokoushilo.

JESAJA 57:16

Osheshi Ame itandi tanguna fiyo alushe ndele inandi hala okuhanduka alushe, opo omhepo iha notelwe koshipala shange, neemwenyo edi nde di shita mwene.

JEREMIA 26:19

Hiskia, ohamba yaJuda, nOvajuda aveshe ove mu dipaa vati? Vo inava tila Omwene nove mu handukulukifa, opo Omwene okwe lialuluka komupya winya a li e u va handukilila, manga fye tu li po twa hala tu litwike keemwenyo detu omupya u fike apa.

JEREMIA 42:10

‘Ngeenge otamu kala moshilongo eshi, Ame ohandi mu tungu, itandi mu ngumauna po, nohandi mu twike, itandi mu duda mo, osheshi Ame onde lialuluka kowii ou nde u mu monifa.

AMOS 7:3

Opo nee Omwene e lialuluka moshinima eshi. Omwene ta ti: “Itashi ka ningwa.”

AMOS 7:6

Omwene okwe lialuluka moshinima eshi. “Naashi yo itashi ka ningwa,” Omwene Kalunga osho ta ti.

HABAKUK 3:2

Omwene, onda uda ondaka yoye ndele nda tila! Omwene, oshilonga shoye shi tula omwenyo pokati komido, ndele shi holola pokati komido. Mehandu dimbulukwa efilonghenda.

SAKARIA 9:7

ndele Ame ohandi ka kufa mo ombelela yahawiishu mokanya kavo, noitondifa momayoo avo, nosho muvo yo tamu ka xupa oshixupe shaKalunga ketu, ndele tava ka kala ngaashi ovakulunhu vepata muJuda, naEkron tashi ka kala ngaashi Omujebusi.

MARKUS 14:41

Ndele Ye okwa aluka ko olutitatu ndele ta ti kuvo: “Natango tuu omwa kofa notamu tulumukwa! Sha wana nee. Okafimbo oke uya. Tala, Omona wOmunhu ota yandjwa momake ovalunde.

OILONGA YOVAYAPOSTOLI 12:23

Ndele opo tuu opo omweengeli wOmwene e mu denga, osheshi ye ina fimaneka Kalunga, omainyo e mu tuka ndele ye ta fi.

1 OVAKORINTO 10:10

Ndele nye inamu ngongota yo ngaashi vamwe vomuvo va ngongotele, nova nyonwa po komunyonauni.

2 OVAKORINTO 2:6

Ehandukilo olo e li mona kuvahapu, ola wana;

JOSUA 15:63

Ndelenee ovana vaJuda va nyengwa okuta mo Ovajebusi, oonakukalamo muJerusalem. Onghee hano Ovajebusi va kala pamwe novana vaJuda muJerusalem fiyo onena eli.

OVATOKOLIPANGELI 1:21

Novana vaBenjamin inava taataa mo Ovajebusi, oonakukalamo muJerusalem, onghee hano Ovajebusi va kala pamwe novana vaBenjamin muJerusalem fiyo onena eli.

OVATOKOLIPANGELI 19:11

Ndele vo eshi ve uya kuJebus netango ola ningina nokuli, omupiya ta ti komwene waye: “Tu yeni koshilando eshi shOvajebusi, tu ka nangale mo.”

1 SAMUEL 15:11

“Ame nda nyika oluhodi, eshi nda ninga Saul ohamba, osheshi okwe liteeka nge ndele ina wanifa eendjovo dange.” Opo nee Samuel a ninga omwenyo mwii nokwa kuwa kOmwene oufiku aushe.