2 SAMUEL 24:10 - Ombibeli Iyapuki

¹⁰ Ndelenee eliudo laDavid le mu vela ombedi, ye eshi a vala ovanhu, ndele David okwa lombwela Omwene ndele ta ti: “Ame nda nyona nai shili, eshi nda longa oshinima eshi. Ndelenee, Omwene, dimine nge po oilonga ei youshima.”

2 SAMUEL 24:10 ပူးပေါင်းရင်းမြစ်များ

2 SAMUEL 12:13

Ndele David ta ti kuNatan: “Ame nda nyona kOmwene!” Ndele Natan ta ti kuDavid: “Onghee hano Omwene e ku dimina po etimba loye. Ito ka fya.

2 SAMUEL 24:17

David eshi a mona nhumbi omweengeli ta dipaa ovanhu, ye okwa lombwela Omwene ndele ta ti: “Tala, ame nda nyona, naame nda ninga osho inashi yuka, ndelenee eedi odo oda ninga shike? Eke loye nali denge nge nepata lange yo.”

1 EEHAMBA 8:35

“Eulu ngeenge to li idile, nodula itai loko, shaashi ovanhu voye va nyona kwoove, opo nee ngeenge tave lialuluka ndele tava taalele kotembeli ei, nokwiilikana melininipiko,

1 OMAFIMBO 21:7

Noshinima eshi inashi yuka momesho aKalunga, onghee hano Ye a denga Ovaisraeli.

1 OMAFIMBO 21:8

Opo nee David ta ti kuKalunga: “Ame nda nyona nai shili, eshi nda ninga oshinima eshi. Ndelenee dimine nge po oilonga ei youshima.”

2 OMAFIMBO 16:9

Osheshi omesho Omwene taa tale edu alishe, opo a kwafe neenghono ovo have liameke kuye nomutima aushe. Moshinima eshi wa ninga oushima, osheshi okudja paife tapa ka kala oita naave.”

2 OMAFIMBO 32:26

Ndelenee melinenepeko laye Hiskia okwe lininipika nomutima aushe, ye mwene noonakukala muJerusalem, onghee hano ehandu lOmwene inali uya kombada yavo pomafiku aa aHiskia.

JOB 7:21

Nomolwashike ito dimine nge po omanyono ange? Ndele ito kufa po oshilonga shange shii? Osheshi paife handi ka nangala mondwi yedu. Opo nee Ove to ka konga nge, ndelenee ame nghi po vali.”

OMAPSALOME 32:5

Opo nee onde ku hepaululila omatimba ange, noulunde wange inandi u holeka, nda tya: “Onda hala ndi hepaululile Omwene omanyono ange”; opo ove owa kufila nge po owii womatimba ange. Sela

EXODUS 10:16

Opo nee Farao okwa ifana diva Moses naAron ndele ta ti: “Ame nda nyona kuKalunga keni nokunye.

OMAYELETUMBULO 28:13

Ou ta holeke omatauluko aye, ita ka mona elao. Ndelenee ou te a hepaulula ndele te a efa, ota ka filwa onghenda.

HOSEA 14:2

Indeni neendjovo nye mu alukile kOmwene mu tye: “Dima po omatimba aeshe. Tu tambulila mefilonghenda loye, opo nee hatu ke ku yambela eyambo lomilungu ponhele yeengobe.

JOEL 2:12

Ndelenee natango tuu Omwene ta ti: “Alukeni kwaame nomutima weni aushe nokulidilika nokulila nokunyika oufiye.

NUMERI 12:11

Opo nee Aron okwa lombwela Moses ndee ta ti: “Akutu, omwene wange, ino tu valulila etimba eli twe li ninga moulai wetu.

MARKUS 7:22

enyono lohombo, olwisho, onyanya, ekotokelo, oihole, efupa, eshekokalunga, elinenepeko, oupwidi.

JOHANNES 1:29

Efiku la shikula eli ye ota mono Jesus te uya kuye, ndele ta ti: “Tala, Odjona yaKalunga tai kufa po omatimba ounyuni.

JOHANNES 8:9

Ndele eshi ve di uda, va pewa oushima komaliudo avo, ndele va ya, umwe naumwe, ovakulunhu fiyo ovava vaxuuninwa. Ndele Jesus okwa kala po aeke nomukainhu ou e li ofika koshipala shaye.

DEUTERONOMION 32:6

Osho ngaha hano ngeno to shi alulile Omwene, ove oshiwana shilai shihe neendunge? Ndishi Oye xo, ou e ku shita; ndishi Oye e ku ninga, Ye e ku longekida?

TITUS 3:3

Osheshi nafye yo nale otwa li tuhe neendunge, fye inatu dulika, otwa li twa puka notwa li ovapika vouhalu u lili nou lili, fye twa kala mowii nomefupandubo ndele twa li twa tondwa ndele twa tondafana.

1 JOHANNES 1:9

Ndele ngeenge hatu hepaulula omatimba etu, Ye omudiinini nomuyuki opo te tu kufile po omatimba ndele te tu kosho ouhenouyuki aushe.

1 SAMUEL 13:13

Opo nee Samuel ta ti kuSaul: “Owa ninga nai. Ino diinina oshipango shOmwene Kalunga koye, osho Ye e shi ku lombwela. Osheshi ngeno hasho, ngeno Kalunga a pameka ouhamba woye muIsrael fiyo alushe.

1 SAMUEL 24:5

Ndelenee eliudo laDavid le mu vela ombedi ye eshi a teta okavando komunghulo woshikutu shaSaul,

1 SAMUEL 24:6

ndele ye okwa lombwela ovalumenhu: “Omwene na amene nge, ndiha ningile sha omuvaekwa wOmwene wange, ndi mu kume neke lange. Osheshi ye omuvaekwa wOmwene.”

1 SAMUEL 26:21

Opo nee Saul ta ti: “Ame onda nyona. Aluka, omumwange David, osheshi itandi ku ningile vali owii, shaashi omwenyo wange wa li u nondilo momesho oye nena. Tala, ame onda ninga nai ndele nda puka unene.”