2 SAMUEL 23:5 - Ombibeli Iyapuki

⁵ Epata lange osho tuu li li koshipala shaKalunga? Osheshi Ye a ninga ehangano laalushe naame lashili, li shii okulineekelwa. Heeno, Ye ta tutuminifile nge exupifo alishe nelao alishe.

2 SAMUEL 23:5 ပူးပေါင်းရင်းမြစ်များ

GENESIS 9:16

Outa ou eshi tau kala moilemo, Ame ohandi ke u tala nokudimbulukwa ehangano lange laalushe pokati ketu noinamwenyo aishe yomombelela aishe yokombada yedu.”

2 SAMUEL 12:10

Ndele paife eongamukonda itali ka efa fiyo alushe epata loye, osheshi wa dina nge, ndelenee wa kufa omwalikadi waUria, Omuheti, a ninge omwalikadi woye.’

2 SAMUEL 13:14

Ndelenee ye ina hala oku mu pwilikina, ndelenee okwe mu dula, nokwe mu fifa ohoni ndele ta nangala naye.

2 SAMUEL 13:28

Ndele Absalom okwa lombwela ovapiya vaye ndele ta ti: “Taleni, omutima waAmnon eshi wa hafifwa komaviinyu ndele ame ohandi mu lombwele: Dipaeni Amnon! Opo nee mu noku mu dipaa. Inamu tila, osheshi ame nde shi mu lombwela. Kaleni mwa pama, ovalumenhwelela!”

2 SAMUEL 18:14

Opo nee Joab ta ti: “Ame inandi hala okumana po efimbo naave!” Ndele ye okwa kufa omaonga atatu meke laye a twa momutima waAbsalom fimbo ye kwa li e nomwenyo natango momwandi.

2 SAMUEL 7:12

Omafiku oye ngeenge a pu ko, nowa fya, ndele wa pakwa pooxokulu, Ame ohandi ka lenga oludalo lomolutu loye ndele handi pameke ouhamba walo.

2 SAMUEL 7:18

Opo nee ohamba David ya ya mo ndele tai kala koshipala shOmwene ndele tai ti: “Omwene Kalunga, aame lyelye, nepata lange eshike, Ove eshi wa fikifa nge fiyo opapa?

1 EEHAMBA 1:5

Ndelenee Adonia yaHaggit okwe litumba ndele ta ti: “Onda hala okuninga ohamba!” Ndele okwe likongela omatemba oita novalondi veenghambe novalumenhu omilongo nhano oonaku mu kwatela komesho.

1 EEHAMBA 11:38

Ndele ngeenge to pwilikine adishe odo Ame handi ku lombwele ndele ho ende neendjila dange, ndele to ningi eshi sha yuka momesho ange mokudiinina eenghedimhango dange noipango yange ngaashi omupiya wange David a ninga, opo nee Ame ohandi ka kala naave noku ku dikila ongulu tai kalelele, ngaashi nda dikila David, ndele handi ku pe Israel.

1 EEHAMBA 12:14

nokwa popya naavo papukululo lovalumenhu ovanyasha ndele ta ti: “Tate ngeenge e mu twika omutengi mudjuu, ame ohandi ka weda ko vali komutengi weni. Tate ngeenge e mu denga neengola, ame ohandi ke mu denga neengola domakiya.”

OMAPSALOME 111:9

Oshiwana shaye okwe shi tumina ekulilo, nehangano laye navo okwe li dika li kalelele; edina laye oliyapuki nola tilika.

OMAPSALOME 119:81

Omutima wange otau notelwa exupifo loye; ohandi tula elineekelo lange mondjovo yoye.

OMAPSALOME 27:4

Shimwe ashike onde shi ehela kOmwene, nde shi hala unene: ngeno ame ndi kale mongulu yOmwene omafiku ange aeshe, okutala ouwanyenye wOmwene, ndi lishipulule nawa motembeli yaye.

OMAPSALOME 62:2

Oye aeke emanya lange, nehepuluko lange, nohote yange; ame ihandi tengauka unene.

OMAPSALOME 89:3

Ame nda dika ehangano nomuhoololwa wange, omupiya wange David, nde mu anenene:

JESAJA 11:1

Ndelenee oshitutumine otashi tutuma moshifidi shaIsai, noshitai omomudi waye, ndele tashi imi oiimati;

JESAJA 27:6

Momafiku okomesho Jakob ota ka twama, Israel ota ka temuna eenhemo, ndele ta tutuma nota yadifa ounyuni aushe noiimati.

JESAJA 4:2

Mefiku tuu olo Oshitutumine shOmwene otashi tutumine oixupe yaIsrael ewapalo nefimano, noimeno aishe yomedu otai menene oulenga woupuna.

JESAJA 54:10

Osheshi eemhunda nande odi dikuke po noikulundudu nande i tengauke, ouwanghenda wange itau kanduka po vali pwoove, nehanganombili letu naave itali tengauka po, Omwene naku ku filonghenda osho ta ti.

JESAJA 55:3

Pwilikineni, nye mu ehene kwaame, pwilikineni, nomitima deni opo di kale di nomwenyo. Ame onda hala ndi ninge ehangano laalushe nanye; omafilonghenda a pama, nde a fila David.

JESAJA 61:8

Osheshi Ame Omwene ndi hole ouyuki, handi tondo oukolokoshi nomanyeko; Ame ohandi va pe ondjabi yavo noudiinini, ndele ohandi ningi ehangano laalushe navo.

JESAJA 7:14

Onghee hano Omwene ote mu pe edidiliko: Tala, okakadona otaka ka ninga kafimba, ndele taka dala omona okamati, ndele te ka luku Immanuel.

JEREMIA 32:40

Ndele ohandi ka ninga ehangano laalushe navo, ndele itandi efa oku va ningila ouwa. Netilo okutila nge ohandi tula momitima davo va kale vehe liteeke nge vali.

JEREMIA 33:21

opo nee ehangano lange naDavid, omupiya wange yo, tali ka teywa po, a kale ngeno ehe nomona ta pangele kolukalwapangelo laye, nehangano lange nOvalevi, ovapristeli, ovapiya vange.

HESEKIEL 37:26

Ndele Ame ohandi ka ninga ehangano navo, olo tali ka kala ehangano laalushe navo. Ndele Ame ohandi ke va eta mo noku va hapupalifa, ndele Ame ohandi ka pamekela otembeli yange mokati kavo fiyo alushe.

AMOS 9:11

Mefiku tuu olo ohandi ka dikulula onduda ya nyonauka yaDavid. Ame ohandi ka fitika po omifya dayo nokutungulula omakulukuma ayo, ndele handi ke i tungulula i kale ngaashi ya li mefimbo lonale.

OILONGA YOVAYAPOSTOLI 13:34

Ndele eshi e mu nyumuna movafi, Oye ke na vali okushuna mefyo, mokupopya ota ti: ‘Ohandi ke mu pa omapuniko mayapuki a pama aDavid.’

OVAHEBERI 13:20

Ndelenee Kalunga kombili, ou a alula mefyo omufita omukulunhu weedi omolwohonde yehangano laalushe, Omwene wetu Jesus,

OVAHEBERI 6:19

olo tu li na, la fa ekanghamifo lomwenyo la pama nola kwatelela, la hanga meni mwi langhele metukulifo,

1 SAMUEL 2:35

Ndele Ame ohandi ke lipendulila omupristeli omudiinini, ou ta ka longa pamutima wange nopamwenyo wange; ndele Ame ohandi ke mu tungila ongulu tai kala po, ndele ye ota ka kala nokweenda alushe koshipala shOmuvaekwa wange.’

1 SAMUEL 25:28

Dima po hano etimba lomupiya woye omukainhu, osheshi Omwene ota ka dikila shili omwene wange eumbo tali kalelele, osheshi omwene wange ta shingi oita yOmwene nomokukala kwoye akushe inamu monika owii.