2 SAMUEL 22:21 - Ombibeli Iyapuki

²¹ Omwene okwa pa nge pauyuki wange, ndele ta punike nge paukoshoki womutima wange.

2 SAMUEL 22:21 ပူးပေါင်းရင်းမြစ်များ

2 SAMUEL 22:25

Onghee nee Omwene a alulila nge pauyuki wange, nopaukoshoki womutima wange.

1 EEHAMBA 3:6

Ndele Salomo okwa nyamukula Kalunga: “Ove wa fila tate David onghenda inene ngaashi ye a kala nokweenda koshipala shoye moudiinini nomouyuki nomutima wa yuka. Ndele we mu ulikila ohole ihe nexulilo, eshi wa tula omona kolukalwapangelo laye, ngaashi shi li nena eli.

1 EEHAMBA 8:32

Omwene, mu uda hano meulu, u tokole omupiya woye. Handukila ou e na okuhandukilwa, ove u mangulule ou ehe na etimba.

JOB 17:9

Ndelenee omuyuki ota diinine ondjila yaye, naau e nomake a yela, ota kulu meenghono.

OMAPSALOME 19:11

Omupiya woye ote liefele yo okulondwelwa kudo; moku di diinina, otamu di ondjabi inene.

OMAPSALOME 24:4

Oyou e nomake inaa nyata owii, noku na omutima wa yela, noiha ameke nande omwenyo waye koungaho, noiha fufya mokwaana kwaye.

OMAPSALOME 7:8

Omwene ota tokola oiwana. Omwene, yukifile nge pauyuki wange nopaukoshoki wange.

OMAYELETUMBULO 11:31

Ngeenge omuyuki ta mono ondjabi kombada yedu, unene hano omuhenakalunga nomulunde.

1 OVAKORINTO 15:58

Onghee hano, ovamwatate ovaholike, kaleni mwa pama, muha tengauke, alushe kaleni ovaladi moilonga yOmwene, mu kale mu shi shii nokutya, oshilonga sheni kashi fi oshimha omOmwene.

JAKOB 4:8

Eheneni kuKalunga, opo nee Ye ta ehene kunye. Yelifeni omake eni, nye ovalunde, yelifeni omitima deni, nye ovanamitimambali.

1 SAMUEL 26:23

Omwene ta alulile keshe umwe ouyuki noudiinini waye; Omwene e ku yandja meke lange nena, ndelenee ame inandi hala okunana eke lange komuvaekwa wOmwene.