2 SAMUEL 21:16 - Ombibeli Iyapuki

¹⁶ Omutongolumefule Jisbi-Benob, oudjuu weonga laye owa li eekilograma nhatu netata doshikushu, nokwa li e neongamukonda lipe moshiya, okwa diladila okudipaa David.

2 SAMUEL 21:16 ပူးပေါင်းရင်းမြစ်များ

GENESIS 14:5

Opo nee Kedorlaomer okwe uya momudo omutimulongo nomutine, neehamba edi da kala pamwe naye, ndele vo ova denga Ovarefai muAsterot-Karnaim nOvasusi muHam nOvaemim mehenene laKiriataim

GENESIS 6:4

Mefimbo linya okwa li ovatongolume kombada yedu nokomesho yo, eshi ovana ovamati vaKalunga ve litula kumwe novana oukadona vovanhu ndele vo tave va dalele ovana. Vo ovanaenghono vomounyuni wonale, ovalumenhu va tumbala.

2 SAMUEL 21:18

Ndele omafiku okomesho pa li vali oita nOvafilisti muGob. Opo nee Sibbegai, Omuhusai, a dipaa Saf womovana vaRefaim.

2 SAMUEL 21:20

Ndele pa li vali oita muGat. Noko kwa li omulumenhu mule unene, e nominwe hamano meke keshe nominwe hamano omhadi keshe, omuvalu wado kumwe omilongo mbali nanhee. Naye yo okwa li womovana vaRefaim.

2 SAMUEL 21:22

Ava vane va li vomoludalo lOvarefai vomuGat, ndele va dipawa keke laDavid nokomake ovapiya vaye.

2 SAMUEL 5:18

NOvafilisti ove uya ndele ve lihanena mefilu laRefaim.

NUMERI 13:22

Ndele vo ova ya moshilongo shokoumbangalanhu ndele va fika fiyo okuHebron. Ndele oko kwa li Ahiman, Sesai naTalmai, oludalo laAnak. Ndele Hebron osha tungwa omido heyali fimbo Soan muEgipiti sha li inashi tungwa.

NUMERI 13:28

Ndelenee ovanhu venya ve li moshilongo shinya, ove neenghono, noilando yavo oya pamekwa neehotekuma noya kula. Ndele otwa ko mona yo oludalo laAnak.

DEUTERONOMION 1:28

Openi hatu i? Ovakwetu ova mbadapaleka omitima detu, vo eshi va tile: Ovanhu venya ovahapu ve tu dule, nomifika davo odile di tu dule. Oilando oya kula ndele ya pamekwa neehotekuma fiyo okeulu. Noko twa mona yo oludalo laAnak.’

DEUTERONOMION 2:10

Ovaemim ova li ko nale, ovanhu vanene novahapu ovatongolume ngaashi Ovaanaki.

DEUTERONOMION 2:11

Vo ova ifanwa yo Ovarefai ngaashi yo Ovaanaki! Ndelenee Ovamoab ve va ifana Ovaemim.

DEUTERONOMION 2:21

ovanhu vanene novahapu, ovatongolume ngaashi Ovaanaki, ndelenee Omwene okwe va dima po moipafi yavo; vo ove va taataa ndele va tula monhele yavo,

DEUTERONOMION 3:11

Osheshi Og, ohamba yaBasan, oye aeke a xupa po mOvarefai. Ombete yaye oya li ombete yoshivela; kai li natango muRabba shovana vaAmmoni? Oule wayo omaludimbo omugoi nolumbubu layo omaludimbo ane, paludimbo lomufyoona.

DEUTERONOMION 9:2

oshiwana shinene shi novanhu vale, Ovaanaki, ava va shiivika kwoove mwene nowe va uda tava popiwa: ‘Olyelye ta dulu okulipopila kOvaanaki?’

JOSUA 11:22

Omuanaki nande umwe a xupa po medu lovana vaIsrael. Ashike muGasa nomuGat nomuAsdod, ova fyaala po.

JOSUA 15:14

Ndele Kaleb okwa ta mo musho ovana ovamati vatatu vaAnak: Sesai, Ahiman naTalmai, vo oludalo laAnak.

1 SAMUEL 17:7

Oshihengo sheonga laye sha li shi fike pongala yomushi, noudjuu wefo leonga laye wa li u fike peekilograma heyali doshikushu, nomuhumbati woshikelelifo shaye e mu pitila komesho.