2 SAMUEL 21:12 - Ombibeli Iyapuki

¹² David okwa ya a ka tale omakipa aSaul nomakipa omona waye Jonatan koonakukalamo muJabes shomuGilead, ava ve a vaka monhele ya lalakana muBet-San, oko Ovafilisti ve va endjelelifa mefiku linya Ovafilisti va dipaa Saul muGilboa.

2 SAMUEL 21:12 ပူးပေါင်းရင်းမြစ်များ

2 SAMUEL 1:21

“Eemhunda nye daGilboa! Omume nodula ihe mu lokele. Nomapya omo tamu di eeshali domayambo aha kale ko. Osheshi oko oikelelifo yovaladi ya ekelwa shi noshikelelifo shaSaul inashi lomonwa nomaadi.

2 SAMUEL 1:6

Opo nee omumati, ou e mu etela ondaka ta ti: “Ame onda hangika nde uya keemhunda daGilboa, ndele tala, Saul a yaamena keonga laye, fimbo omatemba oita novalondi veenghambe ve mu kondekela;

2 SAMUEL 2:4

Opo nee ovalumenhu Ovajuda ve uya ndele va vaeka David a ninge ohamba yepata laJuda. Eshi va shiivifila David nokutya, ovalumenhu ovaJabes muGilead va paka Saul,

2 SAMUEL 21:11

David eshi a shiivifilwa osho Rispa omona waAja, omwalikadi waSaul wopomunghulo a ninga,

2 SAMUEL 21:13

Nokwa kufa ko omakipa aSaul nomakipa omona waye Jonatan. Ova kufa po yo omakipa aava va endjelelifwa,

1 OMAFIMBO 10:1

Ndele Ovafilisti va lwifa Ovaisraeli, novakwaita vOvaisraeli va ya onhapo Ovafilisti, oimhu yovadipawa ya nangala keemhunda daGilboa.

1 OMAFIMBO 10:12

ovalumenhu aveshe ovaladi va fikama ndele va kufa oshimhu shaSaul noimhu yovana vaye ovalumenhu, ndele ve i eta kuJabes, ndele va paka omakipa avo pomwandi womuJabes, ndele tave lidilike omafiku aheyali.

1 OMAFIMBO 10:8

NOvafilisti eshi ve uya mefiku la shikula okudula ovadipawa, ova mona Saul novana vaye ovalumenhu va wila keemhunda daGilboa.

JOSUA 17:11

Ndele muIsaskar nomuAsser eenhele edi da ninga daManasse: Bet-Sean naJibleam naDor naEndor naTaanak naMegido nomikunda domomukulambo.

1 SAMUEL 28:4

Opo nee Ovafilisti va ongala ndele ve uya moshilongo ndele va onga onhanda muSunem. Ndele Saul okwa ongela Ovaisraeli aveshe ndele va onga onhanda kuGilboa.

1 SAMUEL 31:1

Fimbo Ovafilisti va lwifa Ovaisraeli, ovakwaita vOvaisraeli va ya onhapo Ovafilisti, oimhu yovadipawa ya nangala keemhunda daGilboa.

1 SAMUEL 31:3

Ndele olwoodi eshi la ninga lidjuu okulwifa Saul, novakwaita ve nomauta ve mu mona, ye okwa kakama molwoumbada ovakwaita vomauta eshi ve mu fininika.

1 SAMUEL 31:4

Ndele Saul okwa lombwela omuhumbati woiti yaye: “Pweya mo eongamukonda loye u twe nge nalo, opo venya inava pita etanda vehe uye okutwa nge, ndele vaha sheke nge.” Ndele omuhumbati woiti yaye ina hala, osheshi a tila unene. Onghee hano Saul okwa kufa eongamukonda nokwe litwa nalo.