2 SAMUEL 20:2 - Ombibeli Iyapuki

² Opo nee ovalumenhu aveshe vaIsrael va dja po puDavid, va shikula Sheba yaBikri. Ndelenee ovalumenhu vaJuda va kanyatela kohamba yavo okudja kuJordan fiyo okuJerusalem.

2 SAMUEL 20:2 ပူးပေါင်းရင်းမြစ်များ

2 SAMUEL 19:15

Opo nee ohamba ya aluka ndele ye uya kuJordan. Ndele Ovajuda ve uya kuGilgal va shakeneke ohamba ndele ve i taulukife Jordan.

2 SAMUEL 20:1

Ndele omukolokoshi umwe a holokela ko, edina laye Sheba yaBikri, Omukwabenjamin. Ye okwa shika enghuma loluvinga lodi yomhedi ndele ta ti: “Fye katu noshitukulwa muDavid, ndele katu noshitukulwafyuululwa momona waIsai; akutu Israel, keshe umwe na ye ketwali laye!”

2 SAMUEL 20:21

Oshinima kashi li ngaha. Ndelenee omulumenhu umwe wokeemhunda daEfraim, edina laye Sheba yaBikri, okwa yelulila ohamba David eke laye. Mu yandjeni ashike, opo nee nda hala okudja po poshilando.” Nomukainhu ta ti kuJoab: “Tala, omutwe waye tau ke ku ekelwa kombada yekuma.”

2 SAMUEL 20:3

David eshi e uya mouhamba waye muJerusalem, ohamba oya kufa ovalikadi venya omulongo vopomunghulo ovo ye va fiile po va kelele eumbo, ndele yo ye va tula mongulu tai nangelwa ndele ye va palula, ndele inai ya mo kuvo. Ndele vo ova idililwa mo fiyo okefiku lefyo lavo ngaashi ovafiyekadi tave likalele fiyo okokufya.

1 EEHAMBA 12:20

Ndelenee Ovaisraeli eshi va uda nokutya, Jerobeam a aluka, ove mu ifana koshiongalele, ndele ve mu ninga ohamba yOvaisraeli aveshe. Nande umwe ina shikula eumbo laDavid, epata laJuda olo alike.

2 OMAFIMBO 10:17

Ndelenee Rehabeam okwa kala ashike ohamba yovanhu ava vomoshitukulwa shaJuda.

OMAPSALOME 62:9

Ovanhu omuku wongaho, vo aveshe ngee otava yelekwa, aveshe vapu, ve dulike komuku.

OMAYELETUMBULO 17:14

Ehovelo leshilafano olo ngaashi omeva taa panuka, onghee hano, efa eemhata fimbo oo inaa panuka.

OILONGA YOVAYAPOSTOLI 11:23

Ye eshi a fika ko, ndele ta mono onghenda yaKalunga, okwa hafa ndele te va kumaida aveshe va kale mOmwene noku mu diinina momitima davo.