2 SAMUEL 2:1 - Ombibeli Iyapuki

¹ Ndele David okwa pula kOmwene ndele ta ti: “Nandi ye moshilando shimwe shomuJuda?” NOmwene okwe mu nyamukula: “Inda.” Opo nee David ta pula: “Ondi nokuya peni?” Ndele Ye ta nyamukula: “KuHebron.”

2 SAMUEL 2:1 ပူးပေါင်းရင်းမြစ်များ

GENESIS 13:18

Opo nee Abram okwa ehena komesho neefaila daye nokwa tula moshuundungila shomuMamre, popepi naHebron. Ndele oko a ka tungila Omwene oaltari.

GENESIS 32:2

Ye, eshi e va mona, okwa ti: “Olo etanga lovakwaita vaKalunga!” Ndele ye okwa luka onhele ei Mahanaim.

2 SAMUEL 15:7

Ndele omido nhee eshi da pita, Absalom okwa lombwela ohamba: “Efe nge, ndi ye kuHebron ndi wanife eudaneko lange nde li udanekela Omwene.

2 SAMUEL 2:11

Nomido odo David okwa li ohamba muHebron nokupangela epata laJuda, oda li di fike pomido heyali neehani hamano.

2 SAMUEL 5:19

Opo nee David a pula kOmwene ndele ta ti: “Nandi ka lwife tuu Ovafilisti? Ove oto va yandje tuu meke lange?” Omwene okwe mu nyamukula: “Inda ko; Ame ohandi ke va yandja meke loye.”

2 SAMUEL 5:23

Opo nee David ta pula kOmwene, ndele Omwene ta ti: “Ino ya oku va shakeneka. Va dilila konima yavo, u va dje kombinga yomiti domitaku.

1 EEHAMBA 2:11

Nomafiku oo David a pangela Israel a li omido omilongo nhee. Okwa pangela muHebron omido heyali, nomuJerusalem omido omilongo nhatu nanhatu.

1 OMAFIMBO 29:7

va yandjela oshilonga shongulu yaKalunga: oshingoldo oitalenti omayovi atano noimaliwa yoidariki omayovi omulongo. Noshisiliveli oitalenti omayovi omulongo, noshikushu oitalenti omayovi omulongo naahetatu. Noshivela oitalenti omayovi efele.

2 OMAFIMBO 11:10

nokuSorea nokuAijalon nokuHebron. Oyo oilando i neehotekuma muJuda nomuBenjamin.

OMAPSALOME 143:8

Ngeenge taku shi, uditile nge ouwanghenda woye, osheshi Oove nde lineekela. Udikile nge ondjila, ame ndi ende nayo, osheshi kwoove, oko handi yelula omwenyo wange.

OMAPSALOME 27:4

Shimwe ashike onde shi ehela kOmwene, nde shi hala unene: ngeno ame ndi kale mongulu yOmwene omafiku ange aeshe, okutala ouwanyenye wOmwene, ndi lishipulule nawa motembeli yaye.

HESEKIEL 36:37

Omwene Kalunga ota ti ngaha: “Noposhinima eshi handi shi itavelele eumbo laIsrael ouwa wange: Ame ohandi hapupalifa ovanhu vavo ngaashi eedi.

NUMERI 13:22

Ndele vo ova ya moshilongo shokoumbangalanhu ndele va fika fiyo okuHebron. Ndele oko kwa li Ahiman, Sesai naTalmai, oludalo laAnak. Ndele Hebron osha tungwa omido heyali fimbo Soan muEgipiti sha li inashi tungwa.

NUMERI 27:21

Ndele ye e nokukala ofika koshipala shomupristeli Eliaser, opo ye e ku pulile muUrim enyamukulo laKalunga koshipala shOmwene. Kelombwelo laye vo va dje po nokelombwelo laye vo ve nokuuya mo, ye novana aveshe vaIsrael pamwe naye neongalo alishe.”

JOSUA 15:13

Ndelenee ye okwa yandja kuKaleb yaJefunne oshitukulwa mokati kovana vaJuda, ngaashi Omwene a lombwela Josua nokutya, Kiriat-Arba, xe yaAnak, osho Hebron.

OVATOKOLIPANGELI 1:1

Ndele konima yefyo laJosua, ovana vaIsrael va pula kOmwene ndele tava ti: “Olyelye womufye e nokufikama tete a ka lwife Ovakaanan?”

1 SAMUEL 10:22

Opo nee va pula vali kOmwene tava ti: “Umwe okwe uya po vali?” NOmwene ta ti: “Tala, ye okwa hondama pokati komatemba eenghutwa.”

1 SAMUEL 23:2

Opo nee David a pula kOmwene ndee ta ti: “Ame ohandi ka ya tuu ndi taatae Ovafilisti venya?” NOmwene ta ti kuDavid: “Inda u ka taatae Ovafilisti ndee xupifa Keila.”

1 SAMUEL 23:4

Opo nee David okwa pula vali kOmwene, nOmwene e mu nyamukula ta ti: “Fikama, inda kuKeila, osheshi Ame ohandi ka yandja Ovafilisti meke loye.”

1 SAMUEL 30:31

vomuHebron nokeenhele adishe David novalumenhu vaye va endele ko.