2 SAMUEL 19:9 - Ombibeli Iyapuki

⁹ Ndele ovanhu aveshe mokati komapata aeshe aIsrael va hovela okulitwifa eemhata ndele tava ti: “Ohamba ye tu xupifa momake ovatondadi vetu, ndele yo ye tu xupifa momake Ovafilisti, ndele paife yo ihe mo moshilongo ya ya onhapo Absalom.

2 SAMUEL 19:9 ပူးပေါင်းရင်းမြစ်များ

2 SAMUEL 15:14

David okwa lombwela ovapiya vaye aveshe ovo va kala puye muJerusalem ndele ta ti: “Tu fikameni, tu yeni onhapo, osheshi katu nomhito yokuxupifwa momake aAbsalom. Endeleleni mu fikame diva, ehe tu hange ohaluka ndele te tu etele omupya ndele ta dipaa neongamukonda oonakukalamo vomuJerusalem.”

2 SAMUEL 18:17

Opo nee va kufa Absalom ndele ve mu ekela mekololo linene lomomuulu, ndele va ndubila onduba inene yomamanya kombada yaye, fimbo Ovaisraeli aveshe, keshe umwe, a ya onhapo ketwali laye.

2 SAMUEL 19:10

Ndele Absalom ou twe mu vaeka, e tu pangele, okwa fila moita. Omolwashike hano tamu ongaonga okwaalula ohamba?”

2 SAMUEL 19:40

Opo nee ohamba ya ya kuGilgal, ndele Kimham okwa enda pamwe nayo novanhu aveshe vaJuda netata lovanhu vaIsrael va twala ohamba kouhamba.

2 SAMUEL 22:44

“Ndele Ove wa xupifa nge mo meemhata dovanhu vange. Ove wa ninga nge omupangeli woiwana. Ovo inandi shiiva va ninga ovapangelwa vange.

2 SAMUEL 5:20

Opo nee David a ya kuBaal-Perasim, ndele David okwe va taataa ndee ta ti: “Omwene okwa hanauna po ovatondadi vange moipafi yange ngaashi omeva taa panuka.” Onghee hano ye a ifana onhele oyo Baal-Perasim.

OMAPSALOME 18:43

Ndele Ove wa xupifa nge meemhata dovanhu vange; Ove wa ninga nge omupangeli woiwana. Ovo inandi shiiva va ninga ovapangelwa vange.

EXODUS 32:24

Opo nee ame nde va nyamukula handi ti: ‘Ou e noshingoldo, ne shi kufe mo!’ Ndele vo ove shi etela nge. Ndele ame nde shi tula momundilo, nomusho mwa dja onhana ei.”

1 SAMUEL 17:50

Osho ngaha hano David okwa finda Omufilisti noshiumbifo nokamanya. Ndele okwa dipaa Omufilisti noshiumbifo nokamanya, Ndele okwa dipaa Omufilisti nande meke laDavid kamwa li nande eongamukonda.

1 SAMUEL 18:25

Opo nee Saul ta ti: “Lombweleni David mu tye: Ohamba inai hala oyoonda imwe, oipa efele limwe yeenhele doulumenhu Ovafilisti, oyo aike opo ovatondadi vohamba va handukilwe.” Saul okwa diladila nokutya, David ta ka dipawa keke lOvafilisti.

1 SAMUEL 19:5

ye okwe liyandja mefyo nokwa dipaa Omufilisti, nOmwene okwa pa Ovaisraeli aveshe efindano linene. Ove we shi mona ndele wa hafa. Omolwashike hano wa hala okunyona mokutilashi ohonde ihe netimba nokudipaa David, nande ehe noushima?”