2 SAMUEL 19:10 - Ombibeli Iyapuki

¹⁰ Ndele Absalom ou twe mu vaeka, e tu pangele, okwa fila moita. Omolwashike hano tamu ongaonga okwaalula ohamba?”

2 SAMUEL 19:10 ပူးပေါင်းရင်းမြစ်များ

2 SAMUEL 15:14

David okwa lombwela ovapiya vaye aveshe ovo va kala puye muJerusalem ndele ta ti: “Tu fikameni, tu yeni onhapo, osheshi katu nomhito yokuxupifwa momake aAbsalom. Endeleleni mu fikame diva, ehe tu hange ohaluka ndele te tu etele omupya ndele ta dipaa neongamukonda oonakukalamo vomuJerusalem.”

2 SAMUEL 15:16

Nohamba ya pita mo neumbo layo alishe tali i shikula, ndelenee ohamba ya fiya po ovalikadi omulongo vopomunghulo va kale okudiinina eumbo.

2 SAMUEL 18:14

Opo nee Joab ta ti: “Ame inandi hala okumana po efimbo naave!” Ndele ye okwa kufa omaonga atatu meke laye a twa momutima waAbsalom fimbo ye kwa li e nomwenyo natango momwandi.

2 SAMUEL 19:11

Opo nee ohamba David ya tuma ondaka kovapristeli Sadok naAbjatar nokutya: “Kundafaneni novakulunhu vomuJuda mu pule: ‘Omolwashike mwa ninga vaxuuninwa okwaalulila ohamba kouhamba wayo? Osheshi odo da popiwa kOvaisraeli aveshe, ode uya momatwi ohamba ponhele oyo, ya li po.

2 SAMUEL 19:40

Opo nee ohamba ya ya kuGilgal, ndele Kimham okwa enda pamwe nayo novanhu aveshe vaJuda netata lovanhu vaIsrael va twala ohamba kouhamba.

2 SAMUEL 19:9

Ndele ovanhu aveshe mokati komapata aeshe aIsrael va hovela okulitwifa eemhata ndele tava ti: “Ohamba ye tu xupifa momake ovatondadi vetu, ndele yo ye tu xupifa momake Ovafilisti, ndele paife yo ihe mo moshilongo ya ya onhapo Absalom.

HOSEA 8:4

Ova nangeka eehamba, ndelenee inashi dja mwaame. Va hoolola omalenga, ndelenee Ame inandi shi shiiva. Oisiliveli noingoldo yavo oya ninga oikalunga yavo fiyo enyonauko tali va hange.

OVATOKOLIPANGELI 18:9

Ndele va nyamukula: “Lipyakudukeni, natu va homoneni! Osheshi twa mona oshilongo shavo, ndele taleni, sho oshiwa unene. Nye otamu mwena ashike! Inamu ongaonga okufikama, mu ye ko oku shi nangala.