2 SAMUEL 18:17 - Ombibeli Iyapuki

¹⁷ Opo nee va kufa Absalom ndele ve mu ekela mekololo linene lomomuulu, ndele va ndubila onduba inene yomamanya kombada yaye, fimbo Ovaisraeli aveshe, keshe umwe, a ya onhapo ketwali laye.

2 SAMUEL 18:17 ပူးပေါင်းရင်းမြစ်များ

2 SAMUEL 19:5

Opo nee Joab e uya kohamba mongulu yayo ndele ta ti: “Nena eli ove wa fifa oipala yovapiya voye aveshe ohoni, nande vo ova xupifa nena eli omwenyo woye neemwenyo dovana voye ovamati noukadona neemwenyo dovalikadi voye nodovalikadi voye vopomunghulo.

2 SAMUEL 19:8

Nohamba ya penduka ndele tai kala omutumba poshivelo. Ovanhu aveshe va shiivifilwa nokutya: Taleni, ohamba oi li omutumba poshivelo. Opo nee ovanhu aveshe ve uya moipafi yohamba. Ndele Israel sha ya onhapo, keshe umwe, ketwali lavo.

2 SAMUEL 19:9

Ndele ovanhu aveshe mokati komapata aeshe aIsrael va hovela okulitwifa eemhata ndele tava ti: “Ohamba ye tu xupifa momake ovatondadi vetu, ndele yo ye tu xupifa momake Ovafilisti, ndele paife yo ihe mo moshilongo ya ya onhapo Absalom.

2 SAMUEL 20:1

Ndele omukolokoshi umwe a holokela ko, edina laye Sheba yaBikri, Omukwabenjamin. Ye okwa shika enghuma loluvinga lodi yomhedi ndele ta ti: “Fye katu noshitukulwa muDavid, ndele katu noshitukulwafyuululwa momona waIsai; akutu Israel, keshe umwe na ye ketwali laye!”

2 SAMUEL 20:22

Nomukainhu meendunge daye okwa popifa oonakukalamo aveshe ndele ova teta ko omutwe waSheba yaBikri ndele ve u ekela kuJoab. Opo nee ye a shika enghuma loluvinga lodi yomhedi ndele ve lihana po va dja po poshilando, keshe umwe a ya ketwali laye. Ndele Joab okwa shuna kohamba muJerusalem.

2 EEHAMBA 14:12

Ndelenee Ovajuda va tewa kOvaisraeli, ndele va ya onhapo, keshe umwe keumbo laye.

2 EEHAMBA 8:21

Onghee hano Jehoram okwa fikama nokwa ya kuSair pamwe nomatemba aeshe oita. Ndele ye eshi a fikama oufiku okwa taataa Ovaedom ovo ve mu dingilila pamwe novakulunhu vomatemba oita. Novakwaita va ya onhapo komatwali avo.

OMAYELETUMBULO 10:7

Okudimbulukiwa kwomuyuki taku nangekwa noupuna, ndelenee edina lomuhenakalunga tali xulu po.

DEUTERONOMION 21:20

nokulombwela ovakulunhu voshilando, tava ti: ‘Omona wetu omumati, omupwidi nokwa lunduka, ye ita udu ko ondaka yetu, omuhanauni nongholwe.’

DEUTERONOMION 21:21

Opo nee ovalumenhu aveshe vomoshilando ve noku mu dipaa nomamanya. Osho ngaha hano mu nokudima po owii mokati keni; naIsrael ashishe tashi ke shi uda nokutila.

JOSUA 10:27

Ndele etango eshi tali ningine mo Josua okwe va lombwela, di kufwe ko keengudi ndele di ekelwe mo mekololo mulo va li va hondama. Ndele va tula omamanya manene kombululu yekololo, aa e li ko fiyo okonena eli.

JOSUA 7:26

Ndele vo ove mu ndubila onduba inene yomamanya ei i li po fiyo onena eli. Opo nee Omwene okwa handukuluka koupyuhandu waye. Onghee hano onhele inya otai ifanwa fiyo onena eli Efilu laAkor.

JOSUA 8:29

Ndele ohamba yaAi ye okwe i endjelelifa momuti fiyo okonguloshi. Ndelenee etango eshi tali ningine mo, Josua okwe va lombwela ndele va kufa ko komuti oshimhu shayo ndele ve shi ekela poshivelo shoshilando ndele ve shi ndubila onduba inene yomamanya, ei i li ko nonena eli.

1 SAMUEL 4:10

Opo nee Ovafilisti va lwa, nOvaisraeli va tewa fiyo va ya onhapo, keshe umwe kofaila yaye. Nolwoodi la li linene shili. Ovakwaita voposhi Ovaisraeli omayovi omilongo nhatu va dipawa.