2 SAMUEL 17:20 - Ombibeli Iyapuki

²⁰ Ovapiya vaAbsalom eshi ve uya komwalikadi meumbo, tava pula: “Ahimas naJonatan openi ve li?” Nomwalikadi te va nyamukula: “Vo ova enda po va tauluka okamulonga.” Ova konga ndele inave va mona ndele tava shuna kuJerusalem.

2 SAMUEL 17:20 ပူးပေါင်းရင်းမြစ်များ

2 SAMUEL 15:34

Ndelenee ngeenge to shuna koshilando ndele to ti kuAbsalom: ‘Akutu ohamba, ame nda hala okuninga omupiya woye. Shito nda li omupiya waxo, ndelenee paife ame nda ninga omupiya woye.’ Opo nee to dulu okukwafa nge nokuhanauna po epukululo laAhitofel.

EXODUS 1:19

Novadalifi va lombwela Farao, tava ti: “Ovalikadi Ovaheberi hasho ve li ngaashi Ovaegipiti, osheshi venya ve neenghono, fimbo omudalifi ina fika kuvo, ova dala nokuli.”

LEVITIKUS 19:11

“Nye inamu vaka noinamu popya oipupulu, ndele inamu kengelelafana.

OVATOKOLIPANGELI 4:20

Ndele ye ta ti kuye: “Inda u ka kale ofika poshivelo shetwali,” nongeenge umwe te uya ndele ta pula: “Omu na tuu omunhu omu?” Nyamukula: “Ahowe!”

1 SAMUEL 21:2

Ndele David ta ti komupristeli Ahimelek: “Ohamba ya pa nge ondaka ya tya kwaame: Oshinima eshi omolwaasho nde ku tuma, shiha shiivike nande okomunhu.” Onghee hano nda lombwela ovanhu ovanyasha va kale monhele yonhumba.