2 SAMUEL 16:1 - Ombibeli Iyapuki

¹ David eshi a ehena komesho kanini koxulo yomhunda, Siba, omupiya waMefiboset e uya, e neendongi mbali da mangelwa omitumba ndele kombada yado kwa li omingome omafele avali noikuki yeeviinyu efele limwe noiimati efele limwe noshako yomaviinyu.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Ndele David okwa londa kOmhunda yEemono fimbo ta ende nokulila efimbo alishe. Nomutwe waye wa uvikwa ndele a enda ehe neenghaku. Novanhu aveshe ovo va kale puye, keshe umwe, a uvika omutwe waye tava londo komhunda ndele tava lili efimbo alishe.

2 SAMUEL 15:32

Ndele David eshi e uya koxulo yomhunda oko va ilikana Kalunga, Husai, Omuarki, e mu shakeneka, okwa li e noshikutu sha pombaulwa nondwi kombada yomutwe.

2 SAMUEL 19:17

novalumenhu eyovi limwe Ovakwabenjamin va li pamwe naye. Nosho vali Siba, omupiya wepata laSaul pamwe novana vaye ovamati omulongo navatano novapika vaye omilongo mbali. Vo ova endelela va ya kuJordan fimbo ohamba inai fika ko,

2 SAMUEL 19:32

Ndele Barsillai okwa li a kulupa, omulumenhu e nomido Omilongo hetatu, ndele okwa palula ohamba fimbo ya li muMahanaim, osheshi ye okwa li oshipuna shinene.

1 OMAFIMBO 12:40

Naavenya yo va kala moushiinda wavo fiyo okuIsaskar naSebulon naNaftali, va eta omungome wa humbatwa keendongi nokeengamelo nokomamula nokeengobe deenghutwa: oufila noikambi yeenghwiyu noikuki yeeviinyu nomaviinyu nomaadi neengobe needi dihapu, osheshi muIsrael mwa li ehafo.

OMAYELETUMBULO 18:16

Oshali tai mbwalangadjifile omunhu eenhele ndele tai mu twala mokati kovanenenhu.

JEREMIA 40:10

Ndele taleni, ame ohandi kala muMispa ndi yakule Ovakaldea ovo tave ke uya kufye. Ndelenee ongeleni omaviinyu noiimati nomaadi, nye mu a tuvikile moitoo, ndele nye kaleni moilando yeni mwe i nangala.”

JEREMIA 40:12

opo Ovajuda aveshe ova aluka ko akushe oko va taataelwa ndele ve uya koshilongo kuGedalja kuMispa. Ndele ova ongela omaviinyu noiimati ihapu.

AMOS 8:1

Omwene Kalunga okwa ulikila nge eshi, tala, opa kala oshimbale shi noiimati yopokulombo.

MIKA 7:1

Woo ame, osheshi ame nda ningwa ngaashi mefimbo loiimati ye likolwa nongaashi mefimbo omashila omiviinyu a pupudululwa. Kape na vali nande eeviinyu dokulya, neenghwiyu dokulombo edi omwenyo wange we di hala.

1 SAMUEL 10:3

Ndele ngeenge to i, to ehene ndele to uya komwandi waTabor, ovalumenhu vatatu tave ku shakeneke, ava tava i kuBetel koshipala shaKalunga: umwe ta humbata oukombwena vatatu, nomukwao ta humbata omingome nhatu nomutitatu oshako yomaviinyu.

1 SAMUEL 16:20

Ndele Isai okwa kufa ondongi nomungome nombao yomaviinyu nokakombwena, ndele te i tumu pamwe nomona waye David kuSaul.

1 SAMUEL 25:18

Opo nee Abigail a kufa diva omingome omafele avali, oitoo ivali yomaviinyu, eedi nhano da telekwa, eekilograma omulongo naheyali doilya ya fengwa, oikuki efele limwe yeeviinyu da kukutikwa noikuki omafele avali yeenghwiyu nokwe i londeka keendongi.