2 SAMUEL 15:8 - Ombibeli Iyapuki

⁸ Aame omupiya woye fimbo nda li muGesur shomuAram, onda udaneka eudaneko eli: ‘Omwene ngeenge ta shunifa nge shili muJerusalem, ame ohandi ka longela Omwene.’ ”

2 SAMUEL 15:8 ပူးပေါင်းရင်းမြစ်များ

2 SAMUEL 14:23

Ndele Joab okwa fikama ndele ta i kuGesur nokwa eta Absalom kuJerusalem.

2 SAMUEL 14:32

Ndele Absalom ta ti kuJoab: “Tala, onde ku tumina ondaka. Ila oku, opo ndi ku tume kohamba u pule: ‘Omolwashike nde uya nda dja kuGesur? Ngeno nda li kwinya ngeno sha wapala.’ Paife nda hala okumona oshipala shohamba, ndele ngeenge ndi netimba yo nai dipae nge.”

2 SAMUEL 15:9

Opo nee ohamba tai ti kuye: “Inda nombili!” Nokwa fikama ndele ta i kuHebron.

2 SAMUEL 3:3

Nomutivali waye okwa li Kileab, ina Abigail, omwalikadi waNabal, Omukarmel. Nomutitatu oAbsalom, omona waMaaka, omona okakadona kaTalmai, ohamba yaGesur.

OMAPSALOME 56:12

Kalunga, ndi na eudaneko oku ku wanifila. Onda hala ndi ku etele eyambo lehambelelo.

OMUUDIFI 5:4

Ove eshi wa udanekela Kalunga eudaneko, ou na oku li wanifa diva, osheshi Ye ita hokwa omalai. Wanifa osho we shi udaneka.

JESAJA 28:15

Osheshi ohamu ti: Fye otwa hangana nefyo, otwa pangela omhangela noshovafi; omupya nau tondoke po ngaashi efundja, itau tu hange, osheshi oipupulu otwe i ninga eameno letu notwa hondama momakoto.

JEREMIA 42:20

Osheshi nye omwe lipukifa nye vene, eshi mwa tuma nge kOmwene Kalunga keni, eshi mwa tya: ‘Tu ilikanena kOmwene Kalunga ketu; naadishe odo Omwene Kalunga ketu ta popi, di tu hololela, opo tu di wanife.’

JOSUA 24:15

Ndelenee ngeenge inashi mu wapalela okulongela Omwene, lihoololeleni nena eli ou mwa hala oku mu longela, ngeenge oikalunga ooxo va longela kombada yaEufrat ile oikalunga vOvaamori medu lavo mu li. Ndelenee ame neumbo lange hatu ka longela Omwene.”

1 SAMUEL 1:11

Ndele ye okwa udaneka eudaneko ndele ta ti: “Omwene womatanga ovakwaita, Ove ngeenge to tale oluhepo lomupiya woye omukainhu, ndele to dimbulukwa nge, ndele ito dimbwa omupiya woye omukainhu, ndele to yandje komupiya woye omukainhu okaana okalume, opo nee ame ohandi ke ka yandja kOmwene ka ninge kOmwene omafiku aeshe omokukala kwako. Noshimbi itashi ke uya komutwe wako.”

1 SAMUEL 16:2

Ndelenee Samuel ta pula: “Ame ohandi dulu okuya ko ngahelipi? Saul ngeenge te shi udu, ota dipaa nge.” Opo nee Omwene ta ti: “Oto i ko u nondema ndee to ti: ‘Onde uya okuyambela Omwene.’