2 SAMUEL 15:32 - Ombibeli Iyapuki

³² Ndele David eshi e uya koxulo yomhunda oko va ilikana Kalunga, Husai, Omuarki, e mu shakeneka, okwa li e noshikutu sha pombaulwa nondwi kombada yomutwe.

2 SAMUEL 15:32 ပူးပေါင်းရင်းမြစ်များ

2 SAMUEL 1:2

mefiku etitatu omulumenhu umwe a dja monhanda kuSaul, e noikutu ya pombauka nedu komutwe waye. Ndele ye eshi e uya kuDavid, a wila poshi ndele te linyongamene.

2 SAMUEL 13:19

Tamar okwa undila omute komutwe waye nokwa pombaula oshikutu osho shile shi nomaoko male. Opo nee e likwata ombadomutwe ndele ta ende nokulila pombada.

2 SAMUEL 15:30

Ndele David okwa londa kOmhunda yEemono fimbo ta ende nokulila efimbo alishe. Nomutwe waye wa uvikwa ndele a enda ehe neenghaku. Novanhu aveshe ovo va kale puye, keshe umwe, a uvika omutwe waye tava londo komhunda ndele tava lili efimbo alishe.

2 SAMUEL 16:1

David eshi a ehena komesho kanini koxulo yomhunda, Siba, omupiya waMefiboset e uya, e neendongi mbali da mangelwa omitumba ndele kombada yado kwa li omingome omafele avali noikuki yeeviinyu efele limwe noiimati efele limwe noshako yomaviinyu.

2 SAMUEL 16:15

Ndelenee Absalom novakwaita aveshe novalumenhu aveshe Ovaisraeli ve uya kuJerusalem, naAhitofel okwa li puvo.

2 SAMUEL 17:5

Ndelenee Absalom ta ti: “Husai, Omuarki, na ifanwe yo, natu pwilikine yo eshi ye te shi popi.”

1 EEHAMBA 11:7

Salomo okwa tungila Kemosh, oixuna yOvamoab, oaltarikulundu komhunda i li koushilo wokuJerusalem, nosho yo e shi tungila Molek, oixuna yOvaammoni.

1 EEHAMBA 4:16

Baana yaHusai okwa li muAsser nomuAlot.

1 OMAFIMBO 27:33

Ndele Ahitofel okwa li omupukululi wohamba. Ndele Husai, Omuarki, okwa li kaume kohamba.

OMAPSALOME 3:7

Omwene, yambuka, xupife nge Kalunga kange! Osheshi Ove wa teyaula oluhamama lovatondi vange; nomayoo ovalunde we a tataula.

OMAPSALOME 50:15

nomefiku loudjuu woye ifane nge, nonda hala oku ku kwafa, ndele ove oto ka fimaneka nge.”

OMAPSALOME 91:15

Ngeenge ta ifana nge, Ame ohandi mu udu; ohandi liameke kuye moudjuu waye, Ame ndi mu mangulule mo, nohandi mu fimanekifa.

LUKAS 19:29

Ndele opa ningwa, eshi a ehena kuBetfage naBetania komhunda ei ya ifanwa Omhunda yEemono, Ye okwa tuma ovalongwa vaye vavali

JOSUA 16:2

ndele tau di kuBetel tau i kuLus ndele tau ende nokuya koshilongo shOvaarki fiyo okuAtarot.

1 SAMUEL 4:12

Opo nee Omubenjamin umwe a dja monhele yolwoodi nokwa tondoka ndele ta fiki efiku tuu olo kuSilo, oikutu ya pombauka nedu komutwe waye.