2 SAMUEL 15:2 - Ombibeli Iyapuki

² Absalom okwa li e nonghedi yokupenduka ongula inene nokukala pondjila oyo tai twala koshivelo shoshilando. Nomunhu keshe ou a li e neendjovo ndele ta i kohamba, Absalom okwe mu ifana ndele ta ti: “Owa dja moshilando shilipipo?” Ou eshi a nyamukula: “Omupiya woye a dja moshilando shonhumba shomoilando yaIsrael.”

2 SAMUEL 15:2 ပူးပေါင်းရင်းမြစ်များ

GENESIS 34:20

Opo nee Hamor nomona waye Sekem va ya koshivelo shoshilando shavo ndele va popya novalumenhu vomoshilando shavo, tava ti:

2 SAMUEL 19:8

Nohamba ya penduka ndele tai kala omutumba poshivelo. Ovanhu aveshe va shiivifilwa nokutya: Taleni, ohamba oi li omutumba poshivelo. Opo nee ovanhu aveshe ve uya moipafi yohamba. Ndele Israel sha ya onhapo, keshe umwe, ketwali lavo.

2 OMAFIMBO 10:7

Ndele vo ove mu lombwela, tava ti: “Ove ngeenge to kala u nombili novanhu ava, ndele to va wapalele ndele to va lombwele eendjovo dombili, vo otava ka ninga ovapiya voye fiyo alushe.”

JOB 24:14

Fimbo eluwa inali tenda omudipai ta penduka, ta dipaa omukwanaluhepo nohepele; ndele oufiku ye ta ende ngaashi omulunga.

EXODUS 18:14

Ndele xemweno yaMoses, eshi a mona ashishe eshi te shi ningile ovanhu ye a tya: “Ove oho longo ngahelipi nye novanhu? Omolwashike ove wa kala omutumba okutokola oove auke, novanhu aveshe tava kala pwoove okudja ongula fiyo onguloshi?”

EXODUS 18:16

Vo ngeenge ve noihokolola otave uya nokutokola eendjovo daau nodaawinya, ndele handi va shiivifile eenghedimhango daKalunga neemhango daye.”

EXODUS 18:26

Ndele vo ova tokola eendjovo dovanhu efimbo keshe. Eendjovo didjuu vo ve di eta kuMoses, ndelenee eendjovo adishe dinini vo ove di tokola.

OMAYELETUMBULO 4:16

Osheshi vo hava nyengwa okukofa ngeenge itava longo owii. Ndele itava kumuka, fimbo inava pundukifa omunhu.

DANIEL 11:21

Opo nee ponhele yaye tape uya umwe omukolokoshi, ou vo itave mu pe efimano lohamba. Ndelenee oye te ke uya mefaukilo, noshilongo ote shi laipike nelungi.

MATEUS 27:1

Ndele ongula eshi kwa sha, ovapristeli ovakulunhu aveshe novakulunhu voshiwana ova ongala ndele ova kundafana Jesus, ve mu dipae.

DEUTERONOMION 17:8

“Ngeenge ope neendjovo deemhata ile dedipao, ile eemhata domapulafano oinima ile domahepekafano ile keshe eendjovo deemhata dopeenhu doye, ndele tadi ku nyenge oku di tokola, opo nee to fikama ndele to i konhele oyo tai ka hoololwa kOmwene Kalunga koye,

RUT 4:1

Ndele Boas okwa ya koshivelo shoshilando ndele ta kala omutumba. Nomufyuululi wepya, ou a tongwa kuBoas, eshi a enda po opo, Boas ta ti kuye: Ila tu kale omutumba apa! Ye e uya po ndele ta kala omutumba.