2 SAMUEL 15:12 - Ombibeli Iyapuki

¹² Ndele fimbo Absalom a yamba etomenoyambo okwa ifana yo Ahitofel, Omugiloni, elenga laDavid, li dje moshilando shalo Gilo. Osho ngaha hano ehangakeno la pamekwa novanhu ava va ama kuAbsalom va hapupala.

2 SAMUEL 15:12 ပူးပေါင်းရင်းမြစ်များ

2 SAMUEL 15:31

David eshi a hepaululilwa nokutya, Ahitofel oku li yo mehangakeno pamwe naAbsalom, David ta ti: “Akutu Omwene, omapukululo aAhitofel a alula ongaho.”

2 SAMUEL 16:15

Ndelenee Absalom novakwaita aveshe novalumenhu aveshe Ovaisraeli ve uya kuJerusalem, naAhitofel okwa li puvo.

2 SAMUEL 17:14

Opo nee Absalom novalumenhu aveshe vaIsrael tava ti: “Eendunge daHusai, Omuarki, di dule eendunge daAhitofel.” Ndelenee Omwene e shi ninga, opo eendunge diwa da yandjwa kuAhitofel di ninge dongaho, opo Omwene a ete omupya kombada yaAbsalom.

2 SAMUEL 17:23

Ndele Ahitofel eshi a mona nokutya, eendunge daye inadi shikulwa, okwa manga ondongi yaye ndele ta fikama. Nokwa ya keumbo laye lomoshilando shaye, nokwa longekida eumbo laye ndele e liponda. Osho ngaha hano ye a fya nokwa pakwa mombila yaxe.

2 SAMUEL 23:34

Elifelet yaAhasbai waMaaka, Eliam yaAhitofel, Omugiloni,

1 EEHAMBA 21:12

Ova ingida efiku lelidiliko, ndele va kaleka Nabot omutumba komesho mokati kavo.

1 EEHAMBA 21:9

Ndele monhumwafo okwa shanga ngaha: “Ingideni efiku lelidiliko, naNabot na kale omutumba komesho mokati kovanhu.

1 OMAFIMBO 27:33

Ndele Ahitofel okwa li omupukululi wohamba. Ndele Husai, Omuarki, okwa li kaume kohamba.

OMAPSALOME 41:10

Ndelenee Omwene, Oove, file nge onghenda, u yambule nge po vali, ame ndi va shunifile oushima wavo.

OMAPSALOME 41:9

Neume lange nokuli, eli nde lineekela nomutima aushe, nola li hali li eendja dange, olo la yelulila nge oshififinwa, li fangule nge.

OMAYELETUMBULO 15:8

Eyambo lomuhenakalunga olo oixuna koshipala shOmwene, ndelenee eindilo lomuyuki Ye te li hokwa.

OMAYELETUMBULO 21:27

Eyambo lomuhenakalunga olo oixuna. Unene ngahelipi ngeenge tali etwa molwoshilonga oshififahoni!

JEREMIA 6:20

Hano etwimino loimbodi tali di kuSheba, otali kwafa nge shike, nolumbungu lakalmus tali di koilongo yokokule? Omaxwikiloyambo eni inandi a hokwa nomatomenoyambo eni inaa wapalela nge.

NUMERI 23:1

Opo nee Bileam okwa lombwela Balak: “Tungile nge eealtari heyali u longekidile nge eengobe heyali deemhedi needi deemhedi.”

NUMERI 23:14

Ndele ye okwe mu twala kenyana laSofim, konhele yaPisga, ndele va tunga eealtari heyali ndele va yamba ongobe imwe yomhedi nodi imwe yomhedi koaltari keshe.

NUMERI 23:30

Ndele Balak osho a ninga Bileam ngaashi a hala, ndele okwa yamba ongobe imwe yomhedi nodi imwe yomhedi koaltari keshe.

JOHANNES 13:18

“Itandi mu tongo onye amushe, ondi va shii ava nde va hoolola. Ndele eshangelo eli opo li wanifwe: ‘Ou ta li pamwe naame eendja, oye ta yelulile nge oshififinwa shaye.’

TITUS 1:16

Vo otava ti ova shiiva Kalunga, ndelenee moilonga yavo otave mu likale, osheshi ovo oikungifa yongaho, ihava dulika, inava wana okulonga oshilonga nande shimwe shiwa.

JOSUA 15:51

Gosen naHolon naGilo: oilando omulongo nashimwe pamwe nomikunda dayo.