2 SAMUEL 14:6 - Ombibeli Iyapuki

⁶ Nomupiya woye omukainhu okwa li e novana ovamati vavali, ndele vo aveshe vavali va twa eemhata poluhaela. Ndele kapa li nande umwe te va anuna, onghee hano umwe okwa denga mukwao nokwe mu dipaa.

2 SAMUEL 14:6 ပူးပေါင်းရင်းမြစ်များ

GENESIS 4:8

Ndele Kain okwa popya nondenge yaye Abel: “Natu ye moixwa,” ndele opa ningwa eshi va li moixwa, Kain okwa nhukila Abel ndele te mu dipaa.

2 SAMUEL 13:28

Ndele Absalom okwa lombwela ovapiya vaye ndele ta ti: “Taleni, omutima waAmnon eshi wa hafifwa komaviinyu ndele ame ohandi mu lombwele: Dipaeni Amnon! Opo nee mu noku mu dipaa. Inamu tila, osheshi ame nde shi mu lombwela. Kaleni mwa pama, ovalumenhwelela!”

2 SAMUEL 13:29

Novapiya vaAbsalom va ningila Amnon ngaashi Absalom e va lombwela. Opo nee ovana aveshe ovamati vohamba va fikama, keshe umwe a londa kemula laye ndele va faduka po.

2 SAMUEL 14:5

Opo nee ohamba tai mu pula: “Owa hala shike?” Ndele ye ta ti: “Oshili, aame omufiyekadi, omulumenhu wange okwa fya.

2 SAMUEL 14:7

“Ndele tala, epata alishe la fikama okukondjifa omupiya woye omukainhu ndele tali ti: ‘Yandja nakudipaa mumwaina, tu mu dipaele omwenyo womumwaina ou e mu dipaa po, nanakufyuulula tu mu teye po yo.’ Osho ngaha va hala okudima po ekala nde li xupifilwa, omulumenhu wange aha xupifilwe edina ile oludalo kombada yedu.”

EXODUS 2:13

Mefiku lomongula ye okwa ya ko vali, ndele pa li ovalumenhu vavali Ovaheberi va dengafana. Opo nee ye a pula kwaau e noushima: “Oshike to dengele omukweni?”