2 SAMUEL 14:3 - Ombibeli Iyapuki

³ Inda hano kohamba ndele u mu lombwele ngaha.” Ndele Joab okwa tula mokanya kaye eendjovo.

2 SAMUEL 14:3 ပူးပေါင်းရင်းမြစ်များ

2 SAMUEL 14:19

Opo nee ohamba tai pula: “Mwaasho ashishe eke laJoab omo li li pamwe naave?” Nomukainhu ta nyamukula ndele ta ti: “Oshili, ngaashi omwenyo woye u nomwenyo, omwene wange ohamba, itashi dulika okukanduka po nande kolulyo ile kolumosho mwaado omwene wange ohamba tai popi. Heeno, omupiya woye Joab okwa lombwela nge ndele ye okwa tula eendjovo adishe edi mokanya komupiya woye omukainhu.

2 SAMUEL 14:4

Nomukainhu wokuTekoa okwa ya kohamba, ndele te linyongamene ndele ta wile eombe koshipala shayo poshi ndele ta ti: “Akutu tatekulu ohamba, kwafa!”

ESRA 8:17

ndele nde va lombwela va ye komukulunhu Iddo momukunda Kasifja. Ndele nda paka eendjovo momakanya avo, odo ve noku di lombwela Iddo novayakuli ovakwao votembeli momukunda Kasifja, opo ve tu tumine ovayakuli vongulu yaKalunga ketu.

EXODUS 4:15

Ove u nokupopya nokutula mokanya kaye eendjovo. Ndele Ame ohandi ka kala nokanya koye nonokanya kaye, nde handi mu longo eshi mu nokuninga.

JESAJA 51:16

Ndele Ame onda tula eendjovo dange mokanya koye nonde ku holeka momudidimbe weke lange, opo ndi dike eulu nondi kanghameke edu nondi lombwele Sion ndi tye: “Oove oshiwana shange.”

JESAJA 59:21

Ehangano lange navo ole li, Omwene ta ti: “Omhepo yange ei i li kombada yoye, neendjovo dange handi di tula mokanya koye, nomomakanya omaludalo oye nomokanya koludalo tali shikula komesho, nena nofiyo alushe,” Omwene osho ta ti.

JEREMIA 1:9

Opo nee Omwene okwa nana eke laye nokwa kuma nge kokanya. Ndele Omwene okwa tya kwaame: “Tala, ohandi tula eendjovo dange mokanya koye.

NUMERI 23:5

Opo nee Kalunga okwa tula ondjovo mokanya kaBileam ndee ta ti: Shuna kuBalak, ndele osho ngaha u noku mu lombwela:

DEUTERONOMION 18:18

Omuxunganeki ngaashi ove Ame nda hala oku mu pendulila mokati kavakwao, ndele Ame handi ka tula eendjovo dange mokanya kaye, ndele Ye ote ke mu tongela adishe odo Ame ohandi mu lombwele.