2 SAMUEL 14:16 - Ombibeli Iyapuki

¹⁶ Osheshi ohamba otai ka pwilikina shili opo i xupife omupiya wayo omukainhu meke lomulumenhu ou ta hetekele okukandula nge po pamwe nomumwange omumati moshitukulwafyuululwa shaKalunga.

2 SAMUEL 14:16 ပူးပေါင်းရင်းမြစ်များ

2 SAMUEL 14:15

Onghee hano nde uya okupopya oshinima eshi nomwene wange ohamba, osheshi ovanhu va tilifa nge. Ndelenee omupiya woye omukainhu okwa diladila: Ame ohandi ka popya nohamba. Kashiimba ohamba tai ka ninga paendjovo domupiya wayo omukainhu.

2 SAMUEL 20:19

Aame umwe womwaava ve hole ombili noudiinini muIsrael. Ndele wa hala okuhanauna po oshilando osho shi li ngaashi ina yomuIsrael: Omolwashike wa hala okunyonauna po oshitukulwafyuululwa shOmwene?”

OMAPSALOME 72:12

Osheshi otai ka xupifa epongo eli tali kuu onghuwo li kwafwe, nomukwanaluhepo ou ehe na omukwafi.

OMAYELETUMBULO 16:10

Etokolo leendjovo li li komilungu dohamba. Moihokolola okanya kayo itaka popi oipupulu.

DEUTERONOMION 32:9

Osheshi oshitukulwa shOmwene, osho oshiwana shaye, heeno, Jakob, oye oshitukulwafyuululwa shaye.

1 SAMUEL 26:19

Omwene wange ohamba na pwilikine eendjovo domupiya waye: Omwene ngeenge e ku twifa ondubo naame, mu yambela hano eendjayambo. Ndelenee ovanhu ngeenge ve shi ninga, nava tulwe omutima koshipala shOmwene, vo eshi tava taataa nge mo moshitukulwafyuululwa shOmwene ndele tava ti: Inda u ka longele oikalunga imwe!