2 SAMUEL 14:14 - Ombibeli Iyapuki

¹⁴ Osheshi fye otu nokufya efiku limwe, ndele hatu ningi ngaashi omeva a tilwashi medu, omunhu ita dulu oku a ongela vali. Ndele Kalunga ita kufa po omwenyo, ndelenee ota diladila nokutya, epongo liha kale la tukauka naye.

2 SAMUEL 14:14 ပူးပေါင်းရင်းမြစ်များ

2 SAMUEL 11:25

Opo nee David a lombwela omutumwa ndele ta ti: “U nokulombwela Joab ngaha: Oshinima eshi shihe ku etele ouyehame, osheshi eongamukonda hali lyana nokulya, nena umwe mongula omukwao. Lwifeni ashike nonyati oshilando mu shi hanaune po. Osho ngaha hano u noku mu lombwela noku mu nyatipaleka.”

2 SAMUEL 14:15

Onghee hano nde uya okupopya oshinima eshi nomwene wange ohamba, osheshi ovanhu va tilifa nge. Ndelenee omupiya woye omukainhu okwa diladila: Ame ohandi ka popya nohamba. Kashiimba ohamba tai ka ninga paendjovo domupiya wayo omukainhu.

1 EEHAMBA 11:39

Onghee nda hala okuninipika oludalo laDavid, ndelenee hafiyo alushe.’ ”

JOB 14:14

Omunhu ngeenge ta fi, ota ka nyumuka tuu vali? Ngeno ndi kale nokunangela omafiku aeshe oukwaita wange fiyo olufo lange lokumangululwa la fika.

JOB 30:23

Osheshi ndi shi shii: Ove wa hala okutwala nge mefyo nokongulu muyo aveshe ava ve nomwenyo tava ongala.

JOB 34:15

opo nee aishe i nomwenyo kumwe tai xulu po, nomunhu ta shuna mondwi.

JOB 34:19

Oye iha popile ovakulunhu voshilongo ndele ita tula omukengeli komesho yomukwanaluhepo, osheshi vo aveshe oshilonga shomake aye.

OMAPSALOME 22:14

Onda fa omeva a tilwashi, omakipa ange aeshe a damuka; omutima wange owa ninga ngaashi edi, wa dilukila meni lange.

OMAPSALOME 22:15

Eenghono dange oda kukutila mo da fa oshikangwa, nelaka lange ola kanyatela moshihokohoko; Ove to nangeke nge mondwi yefyo.

OMAPSALOME 58:7

Nava pwiinine po, ngaashi omeva aa taa ningine medu. Ngeenge ta shoneke oikuti yaye, nai kale ya fa ihe nonhele.

OMAPSALOME 77:8

Ouwanghenda waye owa oka nee fiyo alushe? Omaudaneko aye itaa kala po nande vali?

OMAPSALOME 79:3

Ohonde yavo ove i tilashi ngaashi omeva mominghulo adishe daJerusalem, kapa li ou te va pake.

OMAPSALOME 90:10

Okukala po kwetu kombada yedu oku fike pomido omilongo heyali, ngeenge okuhapu, shapu omilongo hetatu, nouwa wako: oudjuu auke netutuko; osheshi oko otaku pitilile po diva, fye ohatu vilola po.

OMAPSALOME 90:3

Ove to shunifa omunhu mondwi yedu, ndele to ti: “Alukeni, oludi lovanhu nye.”

EXODUS 21:13

Ndelenee ngeenge ine shi ningila owina, ndele Kalunga e shi itavela shi ningwe keke laye, opo nee Ame ohandi ku ulikile onhele omo ye ta dulu okuya onhapo.

OMUUDIFI 9:5

Osheshi ovanamwenyo ove shi shii nokutya, ove nokufya. Ndelenee noonakufya inava shiiva nande osha, ndele vo vehe nondjabi vali, osheshi edimbulukifo lavo tali dimbuwa.

OMAIMBILOKEMO 3:31

Osheshi Omwene ita ekeleshi fiyo alushe.

HESEKIEL 18:23

Ame ngeno ndi hokwe efyo lomuhenakalunga? Omwene Kalunga ta ti. Hasheshi ngeno, ye ote lialuluka keendjila daye ndele ta kala e nomwenyo?

LEVITIKUS 26:40

“Opo nee vo otava hepaululile nge omatimba avo nomatimba ooxe eshi vo va li ve liteeka nge ndele va li va anya nge.

NUMERI 35:15

Mokati keni oilando ei ihamano oyo oihondamenolando yovana vaIsrael noyomunailongo noyomwiidililwamo, opo keshe umwe ou a dipaa omunhu ohaluka, ta shiiva okuhondama mo.

NUMERI 35:25

Neongalo li nokuxupifa ou a dipaa nomake omupuli wetimba, neongalo nali efe a shune moshihondamenolando shaye, omo a ya onhapo. Ndele ye e nokukala ko fiyo okefyo lomupristeli omukulunhu ou a vaekwa nomaadi mayapuki.

NUMERI 35:28

Osheshi winya e nokukala moshihondamenolando shaye fiyo okefyo lomupristeli omukulunhu. Ndelenee konima yefyo lomupristeli omukulunhu, omudipai ta dulu okushuna koshilongo omo oshitukulwafyuululwa shaye shi li.

MATEUS 22:16

Ndele ova tuma kuye ovalongwa vavo pamwe nOvakwaherodes oku mu lombwela: “Omuhongi, otu shi shii, Oove omunashili, nondjila yaKalunga oto i longo shili, ndele ku na nande nomunhu, osheshi Ove iho tale olupe lomunhu.

OILONGA YOVAYAPOSTOLI 10:34

Ndele Petrus okwa makula okanya kaye ta ti: “Paife ondi shi shii shili, Kalunga iha tale omunhu kombada.

OVAROMA 2:11

Osheshi Kalunga iha tale oshipala shomunhu.

DEUTERONOMION 10:17

Osheshi Omwene Kalunga keni, Oye Kalunga koikalunga nOmwene woovene. Kalunga omunene omunaenghono nomutilifi, ou iha tale oshipala shomunhu ndele ita tambula ombubo,

OVAHEBERI 9:27

Nongaashi ovanhu va ufilwa ve nokufya lumwe aluke nokomesho etokolo,

1 PETRUS 1:17

Ndele ngee ohamu indile noku mu ifana Tate, ou ta tokola omunhu keshe opailonga, hapalupe, kaleni hano hamu ende nokutila mefimbo eli loweenda weni,