2 SAMUEL 12:9 - Ombibeli Iyapuki

⁹ Omolwashike wa dina ondjovo yOmwene mokulonga osho inashi yuka momesho aye? Uria, Omuheti, ove we mu dipaa neongamukonda, nomwalikadi waye we mu kufa a ninge omwalikadi woye, eshi we mu dipaifa eongamukonda lovana vaAmmoni.

2 SAMUEL 12:9 ပူးပေါင်းရင်းမြစ်များ

2 SAMUEL 11:4

Opo nee David a tuma ovatumwa kuye ve ke mu tale. Ndele ye eshi e uya kuye, David okwa nangala naye, opo a hangika e lifeta molwohani yaye. Opo nee ye a shuna keumbo lavo.

2 SAMUEL 12:10

Ndele paife eongamukonda itali ka efa fiyo alushe epata loye, osheshi wa dina nge, ndelenee wa kufa omwalikadi waUria, Omuheti, a ninge omwalikadi woye.’

2 SAMUEL 16:7

Ndele Simei mokutukana kwaye ta ti ngaha: “Dja po, dja po, oove omutilishi wohonde nomukolokoshi!

1 EEHAMBA 15:5

osheshi David a ninga osho sha yuka momesho Omwene ndele ina yapuka mo mwaashishe Ye e mu lombwela momafiku aeshe omokukala kwaye, moshinima shimwe ashike nokutya, shaUria, Omuheti.

1 EEHAMBA 21:19

Ndele u nokupopya naye u tye: ‘Omwene ta ti ngaha: “Ove wa dipaa ndele wa kufa efyuululo?” ’ U noku mu lombwela vali u tye: ‘Omwene ta ti ngaha: “Monhele tuu oyo eembwa da lafa ohonde yaNabot, eembwa tadi ka lafa yo ohonde yoye mwene.” ’ ”

2 OMAFIMBO 33:6

Naye mwene yo okwa endifa ovana vaye ovamati momundilo mefilu lomona waHinnom. Nokwa xunganeka omadidiliko ndele ta nyanekele nokwa tula po ovo hava pula keemhepo dovafi ndele tava mono kokule. Okwa ninga shihapu osho inashi yuka momesho Omwene, a handukifa Omwene.

OMAPSALOME 51:14

Kalunga, Kalunga kexupifo lange, kufe nge metimba lohonde, elaka lange, lo li hambelele oudiinini woye.

OMAPSALOME 51:16

Osheshi omatomenoyambo ku na nao, nomaxwikiloyambo Ove ino a hokwa.

OMAPSALOME 51:4

Kwoove akuke nda nyona, nonda ninga eshi shii momesho oye, opo u kale omuyuki meendjovo doye, nouhenombedi mokutokola kwoye.

OMAPSALOME 90:8

Owii wetu u kaleka ofika koshipala shoye, noiholekwa yetweelela oto i holola ya yela koshipala shoye.

OMAYELETUMBULO 14:2

Ou ta ende moshili, ye ota tila Omwene. Ndelenee ou e neendjila da penga ote mu dini.

JESAJA 5:24

Onghee hano, ngaashi omutemo womundilo tau lafa po oihati, nongaashi omwiidi mukukutu tau ongotele mo momundilo, osho omidi davo tadi olo ngaashi onhata, nonhemo yavo tai i omhepo ngaashi ondwi, osheshi vo ova dina omhango yOmwene womatanga ovakwaita, nova sheka eendjovo dOmuyapuki waIsrael.

JEREMIA 18:10

ndelenee ngeenge otashi ningi osho showii momesho ange ndele itashi dulika kondaka yange, opo nee Ame ohandi lialuluka ouwa ou nde shi u udanekela.

AMOS 2:4

Omwene osho ta ti: “Omolwomatauluko atatu, naane aJuda, Ame ihandi ka alula ehandukilo. Osheshi vo ohava ekeleshi omhango yOmwene, ndele inava diinina eenghedimhango daye. Ndele oikalunga yavo yoipupulu oye va pukifa, oyo ya shikulwa kooxekulu.

1 SAMUEL 15:19

Omolwashike hano ino dulika kondaka yOmwene; ndelenee wa hakana oixuulwa, ndele mwa ninga eshi inashi yuka momesho Omwene?”

1 SAMUEL 15:23

Osheshi okuhadulika okwo etimba ngaashi enyanekelo, nokwaanya oko owii nokufimaneka oikalunga. Ove eshi wa ekelashi ondjovo yOmwene, naye e ku ekelashi yo, uha kale vali ohamba.”

1 SAMUEL 15:26

Ndelenee Samuel ta ti kuSaul: “Ame itandi ka shuna naave, shaashi wa ekelashi ondjovo yOmwene ndele paife Omwene e ku ekelashi, ito kala vali ohamba yOvaisraeli.”