2 SAMUEL 12:26 - Ombibeli Iyapuki

²⁶ Ndele Joab okwa lwifa Rabba shovana vaAmmoni nokwa teya oshilando shohamba.

2 SAMUEL 12:26 ပူးပေါင်းရင်းမြစ်များ

2 SAMUEL 11:1

Ndele eshi pa pita omudo umwe, pefimbo olo eehamba tadi fikama okushinga oita, David okwa tuma Joab novapiya vaye pamwe naye nOvaisraeli aveshe koita. Ndele ova hanauna oshilongo shOvaammoni ndele tava kondekele Rabba, fimbo David a fyaala muJerusalem.

2 SAMUEL 11:25

Opo nee David a lombwela omutumwa ndele ta ti: “U nokulombwela Joab ngaha: Oshinima eshi shihe ku etele ouyehame, osheshi eongamukonda hali lyana nokulya, nena umwe mongula omukwao. Lwifeni ashike nonyati oshilando mu shi hanaune po. Osho ngaha hano u noku mu lombwela noku mu nyatipaleka.”

2 SAMUEL 12:25

Ndele David e ka yandja ka tekulwe komuxunganeki Natan. Ndele ye e ka luka Jedidiya molwOmwene.

2 SAMUEL 12:27

Opo nee Joab ta tumu ovatumwa kuDavid va tye: “Ame nda lwifa Rabba ndele nda nangala oshilando shomeva.

2 SAMUEL 17:27

David eshi a fika kuMahanaim, Sobi yaNahas womuRabba womovana vaAmmoni, naMakir yaAmmiel wokuLodebar naBarsillai Omugilead wokuRogelim

OMAPSALOME 60:9

Olyelye ta twala nge mbela koshilando sha pama? Olyelye wokufindikila nge kuEdom?

HESEKIEL 25:5

Ndele Rabba ohandi ke shi ninga oulifilo weengamelo, noshilongo shOvaammoni tashi ningi onhele yetulumuko leedi, ndele nye otamu ka shiiva nokutya, Aame Omwene.”

DEUTERONOMION 3:11

Osheshi Og, ohamba yaBasan, oye aeke a xupa po mOvarefai. Ombete yaye oya li ombete yoshivela; kai li natango muRabba shovana vaAmmoni? Oule wayo omaludimbo omugoi nolumbubu layo omaludimbo ane, paludimbo lomufyoona.