2 SAMUEL 12:16 - Ombibeli Iyapuki

¹⁶ Ndele David okwa konga oshipala shaKalunga molwokaana. Ndele David okwa ninga efimbo te lidilike ndele eshi e uya keumbo, a nangala oufiku pedu longaho.

2 SAMUEL 12:16 ပူးပေါင်းရင်းမြစ်များ

2 SAMUEL 12:15

Opo nee Natan a ya keumbo laye. NOmwene okwa denga okaana aka ka dalelwa David komwalikadi waUria, opo ka hangika koudu mudjuu.

2 SAMUEL 12:22

Ndele ye ta ti: “Okaana fimbo ka li nomwenyo, ame nde lidilika nokulila, osheshi nda diladila: Kashiimba Omwene ta file nge onghenda opo okaana ka kale nomwenyo.

2 SAMUEL 13:31

Opo nee ohamba ya pombaula oshikutu shayo ndele tai nangala pedu longaho, fimbo ovapiya vayo aveshe va li ofika puye ve noikutu ya pombaulwa.

1 EEHAMBA 21:27

Ndelenee Ahab eshi a uda eendjovo odo, okwa pombaula oshikutu shaye nokwa djala oshikutu sheefya kolutu laye longaho nokwe lidilika. Nokwa nangala yo e noshikutu sheefya ndele ta ende a mwena filu.

NEHEMIA 1:4

Ndele eshi nda uda eendjovo edi, ame nda kala omutumba nokulila ndele nda nyika oluhodi omafiku mahapu. Ndele nde lidilika nonda indila koshipala shaKalunga komeulu,

ESTER 4:16

“Inda u ongele Ovajuda aveshe ava tava monika muSusa, ndele lidilikeni molwange. Ndele momafiku atatu oufiku nomutenya inamu lya ndele inamu nwa. Naame yo pamwe novapiya vange ovakainhu hatu ke lidilika. Opo nee handi i mo kohamba, osho nande kashi li pamhango, ndele ngeenge ndi nokufya, ondi nokufya.”

OMAPSALOME 50:15

nomefiku loudjuu woye ifane nge, nonda hala oku ku kwafa, ndele ove oto ka fimaneka nge.”

OMAPSALOME 69:10

Ame, omwenyo wange owa kwena nokulidilika eendja, ndele osha monifa nge ashike omatukano.

JESAJA 22:12

Ndele mefiku tuu olo Omwene, Kalunga komatanga ovakwaita, ote va ifana kelilo nokeenghali nokekululo lomapalu nomitwe nokomundjalo weefya.

JESAJA 26:16

Omwene moudjuu otave ku kongo, omailikano avo ove a tilashi, outekuhandu woye eshi we va hanga.

DANIEL 6:18

Ohamba oya shuna mouhamba wayo, yo inai lya sha ndele inai hala i etelwe oikumbu, ndele eemhofi de i londoka.

DANIEL 9:3

Ndele ame onda taalela kOmwene Kalunga ndi mu etele eilikano lange nomaindilo mokulidilika nda djala oshako nonda vava omute.

JONA 3:9

Kashiimba Kalunga ota ka efa ehandu laye nokulidilulula, opo Ye te lialuluka kexwamo lehandu laye ndele fye itatu nyonauka.”

OILONGA YOVAYAPOSTOLI 9:9

Ndele okwa li a twika omafiku atatu, ye ina lya sha, ye ina nwa sha.

JOSUA 7:6

Opo nee Josua okwa pombaula oikutu yaye nokwa wila eombe komesho yoshikefa shOmwene fiyo onguloshi ye novakulunhu vaIsrael, ndele ve lifundila edu komitwe.