2 SAMUEL 11:27 - Ombibeli Iyapuki

²⁷ Efimbo laye lokulila eefya eshi la umbuka, David okwa tuma ve ke mu tale ko ndele te mu tambula meumbo laye. Ndele ye a ninga omwalikadi waye nokwe mu dalela okaana okamati. Ndelenee oshinima eshi David e shi ninga, sha li shii momesho Omwene.

2 SAMUEL 11:27 ပူးပေါင်းရင်းမြစ်များ

GENESIS 38:10

Ndele eshi sha ningwa kuye, oshii momesho Omwene. Onghee Ye okwe mu efa a fye.

2 SAMUEL 12:9

Omolwashike wa dina ondjovo yOmwene mokulonga osho inashi yuka momesho aye? Uria, Omuheti, ove we mu dipaa neongamukonda, nomwalikadi waye we mu kufa a ninge omwalikadi woye, eshi we mu dipaifa eongamukonda lovana vaAmmoni.

2 SAMUEL 15:26

Ndelenee ngeenge Ye ta ti: ‘Ame inandi ku hokwa aame ou!’ Na ningile nge osho she mu wapalela.”

1 EEHAMBA 21:16

Eshi a uda nokutya, Nabot okwa fya, Ahab a penduka ndele ta i koshikokola shomiviinyu shaNabot, Omujisreel, e shi nangale.

1 EEHAMBA 21:20

Opo nee Ahab ta ti kuElia: “Omutondadi wange ove, wa hanga nge nokuli mboli?” Ye okwa nyamukula: “Heeno, onde ku hanga nokuli. Osheshi ove we lilandifa po u ninge osho inashi yuka momesho Omwene!

1 OMAFIMBO 21:7

Noshinima eshi inashi yuka momesho aKalunga, onghee hano Ye a denga Ovaisraeli.

OMAPSALOME 5:6

Ovapopi voipupulu oto va nyonauna po; ovalumenhu ovadipai novanekonda oho va tondo.

OMAYELETUMBULO 6:29

Osho ngaha tashi ningilwa ou ta i mo momukainhu wamukwao. Keshe umwe te mu kumu, ita kala ina handukilwa.

JESAJA 29:15

Woo, ovo tava holeke mokule Omwene eenghundafana davo, tava longo oilonga yavo momilaulu, ndele tava ti: “Olyelye e tu wete, olyelye e tu shii?”

OMAIMBILOKEMO 3:36

eshi vo hava lundulula eendjovo doihokolola yomunhu, mbela Omwene ke di wete?

MATEUS 1:6

Ndele Isai okwa dala ohamba David. David okwa dala Salomo nomwalikadi waUria.

DEUTERONOMION 22:29

opo nee omulumenhu ou a nangala naye, e nokufuta xe yokakadona eesekeli doshisiliveli omilongo nhano, ndele ye e noku mu hombola, shaashi ye e mu fifa ohoni. Na kale ite mu henge po fimbo e nomwenyo.

OVAHEBERI 13:4

Ohombo nai fimanekwe kwaaveshe, nomutala wohombo nau kale uhe noshipo; osheshi ovaholi voipala novateihombo Kalunga te va tokola.