2 SAMUEL 11:2 - Ombibeli Iyapuki

² Ndelenee komatango efiku limwe David eshi a omboloka nokwa penduka kombete yaye ndele ta ende kombada yonduda yongulu youhamba, okwa mona eshi e li konduda omukainhu te likosho. Nomukainhu okwa li e nolupe liwa.

2 SAMUEL 11:2 ပူးပေါင်းရင်းမြစ်များ

GENESIS 12:11

Ndele opa ningwa, eshi va ehena popepi okuya muEgipiti, ye okwa lombwela omwalikadi waye Sarai: “Tala, ondi shi shii, kutya ove omwalikadi muwa.

GENESIS 3:6

Opo nee omwalikadi okwa tala, omuti ou omuwa nokulya notau hafifa omesho, heeno, omuti kau yehama shili okupa omunhu eendunge. Ndele ye okwa kufa oiimati yao ndele ta li ndele ta pe yo omulumenhu waye, ndele ye okwa lya.

GENESIS 34:2

Opo nee Sekem, omona waHamor, Omuhevi, ohamba yoshikandjo, eshi e mu mona, ye okwe mu kwata ndele ta nangala naye kefininiko.

GENESIS 39:6

Ndele ye okwa yandja momake aJosef oinima yaye aishe, nokwa li ehe na oshisho shasha nande, nomungome auke, ou a lya. Ndele Josef okwa li e na ondjelo ya wapala noshipala shiwa.

GENESIS 6:2

ovana ovamati vaKalunga va mona ovana oukadona vovanhu vawa, ndele vo ove likufila ovakainhu aveshe ava va hala.

2 SAMUEL 13:1

Konima yoinima ei pa ningwa, Absalom yaDavid okwa li e na omumwaina okakadona kawa, edina lako Tamar, ndele Amnon yaDavid okwa li e mu hokwa.

2 SAMUEL 14:27

Ndele Absalom okwa dalelwa ovana ovamati vatatu nokakadona kamwe, edina lako Tamar, omukainhu muwa okutala.

2 SAMUEL 4:5

Ndele Rekab naBaana, ovana ovamati vaRimmon, Omubeerot, va ya ndele ve uya keumbo laIsboset moshanga shomutenya, fimbo ye a nangala a omba.

2 SAMUEL 4:7

Vo ova ya meumbo laye fimbo ye ta nangala mombete yaye monduda yokunangala, ndele ve mu dipaa ndele va teta ko omutwe waye, ndele tava ende oufiku aushe nondjila yomoluhaela,

JOB 31:1

“Ame nda udafana nomesho ange: ndi tale ngahelipi kokakadona?

OMAPSALOME 119:37

Omesho ange a alula ko, aha tale koinima yongaho, nyatipalife nge meendjila doye.

OMAYELETUMBULO 19:15

Oundede tau kofifa eemhofi didjuu. Omwoongaongi ota ka fya ondjala.

OMAYELETUMBULO 31:30

Onhemokainhu kai shii kulineekelwa. Ouwa womukainhu tau xulu po. Omwalikadi ou ha tila Omwene na hambelelwe.

OMAYELETUMBULO 6:25

Momutima woye ino halukila ouwa waye, neemhafu daye dihe ku kwate.

OMAYELETUMBULO 7:8

ou a enda nepandavanda, ta i kokolonela yomukainhu ndele ta katukile langhele lwokeumbo laye,

JEREMIA 19:13

Neengulu domuJerusalem neengulu deehamba daJuda otadi ningi ngaashi onhele yaTofet, nokutya keenduda deengulu odo adishe ova yambela ongudu yeulu nova tilila oikalunga oikunwayambo.

MATEUS 10:27

Keshe tuu eshi handi shi mu lombwele momilaulu, shi hepaululeni pouyelele. Ndele eshi tamu shi udu okunongofwelwa momatwi, shi hepaululeni kombada yeenduda.

MATEUS 24:17

naau ta hangika kombada yongulu, aha londoloke ko a ka pitule oinima yaye meumbo,

MATEUS 5:28

Ndelenee Ame ohandi mu lombwele: okeshe tuu ou ta tale omukainhu nokahalu, oye okwe mu haela momutima waye.

OILONGA YOVAYAPOSTOLI 10:9

Ndele mefiku lomongula eshi va li mondjila nove lishilila koshilando, Petrus okwa londa kombada yongulu potundi onhimugoi, a ka ilikane.

DEUTERONOMION 22:8

“Ove ngeenge ho tungu ongulu ipe, u nokutunga konduda yayo oshikelelifongubu, opo uha kwatifile ongulu yoye etimba lohonde, umwe ngeenge ta u ko.

DEUTERONOMION 5:21

“ ‘Ino haluka omwalikadi womukweni. Ino haluka eumbo lomukweni, nepya laye, omupiya waye omulumenhu ile omukainhu ile ongobe yaye ile ondongi yaye ile keshe eshi shamukweni.’

1 PETRUS 4:7

Ndelenee exulilo loinima aishe oli li popepi; kaleni hano mu nelididimiko nelidiliko mu shiive okwiindila.

1 JOHANNES 2:16

Osheshi keshe eshi shi li mounyuni, ngaashi okahalu kombelela nokahalu komesho noifulalala yokukalamwenyo, inai dja muTate, ndelenee oya dja mounyuni.

1 SAMUEL 9:25

Opo nee vo va dja koshikulundu va ya moshilando, Saul okwa yalelwa konhala yongulu, oye okwa ka nangala nokwa kofa.