2 SAMUEL 11:11 - Ombibeli Iyapuki

¹¹ Ndele Uria ta ti kuDavid: “Oshikefa naIsrael naJuda ve li momatwali nomwene wange Joab novapiya vomwene wange va onga onhanda moluhaela. Ame ndi ye ngeno meumbo lange ndi lye ndi nwe nondi nangale nomwalikadi wange? Oshili, ngaashi ove u nomwenyo, nongaashi omwenyo woye u nomwenyo, ame ihandi ke shi ninga.”

2 SAMUEL 11:11 ပူးပေါင်းရင်းမြစ်များ

2 SAMUEL 11:10

Ndele David okwa shiivifilwa nokutya, Uria ina ya keumbo laye. Opo nee David a pula Uria: “Ove wa dja koweenda. Omolwashike ino ya keumbo loye?”

2 SAMUEL 14:19

Opo nee ohamba tai pula: “Mwaasho ashishe eke laJoab omo li li pamwe naave?” Nomukainhu ta nyamukula ndele ta ti: “Oshili, ngaashi omwenyo woye u nomwenyo, omwene wange ohamba, itashi dulika okukanduka po nande kolulyo ile kolumosho mwaado omwene wange ohamba tai popi. Heeno, omupiya woye Joab okwa lombwela nge ndele ye okwa tula eendjovo adishe edi mokanya komupiya woye omukainhu.

2 SAMUEL 20:6

Opo nee David a lombwela Abisai: “Paife Sheba yaBikri te tu ningile owii uhapu u dule waAbsalom. Kufa ovapiya vomwene woye, u mu shikule, opo ye aha kwate oilando i neehotekuma, ndele ta kolola mo omesho etu.”

2 SAMUEL 7:2

ohamba oya tya komuxunganeki Natan: “Tala, ame ohandi kala mongulu yomiti domisederi, ndelenee oshikefa shaKalunga oshi li mofaila.”

2 SAMUEL 7:6

Ame inandi kala mongulu okudja kefiku tuu linya nda pitifa ovana vaIsrael muEgipiti fiyo onena eli. Ndelenee Ame nda tembuka mofaila nofaila nokonhele nonhele.

NUMERI 32:6

Ndelenee Moses okwa nyamukula ovana vaGad novana vaRuben ndee ta ti: “Ovakweni tava ka homona mo moita ndele nye mwa hala okufyaala apa.

JOHANNES 13:14

Hano Aame Omwene nomuhongi weni fimbo nda kosha eemhadi deni, nanye yo mu nokukoshafana keemhadi;

2 TIMOTEUS 2:12

ngeenge hatu lididimikeni, ohatu ka kaleni nokupangela yo pamwe naye; ndelenee ngeenge ohatu mu likale, Oye ote ke tu likala yo.

1 SAMUEL 1:26

Ndele ye ta ti: Akutu, omwene wange, oshili, ngaashi u nomwenyo aame omukainhu winya nda li ofika apa pwoove ndele handi indile kOmwene.

1 SAMUEL 14:18

Opo nee Saul ta ti kuAhia: “Eta oku oshikefa shaKalunga, osheshi mefimbo linya oshikefa shaKalunga sha li povana vaIsrael.”

1 SAMUEL 17:55

Saul eshi a mona David ta i a ka shakeneke Omufilisti ta ti kuAbner, ondjai: “Abner omulumenhu winya omunyasha, oye omona walyelye?” Ndele Abner ta nyamukula: “Oshili, ngaashi ove tatekulu ohamba u nomwenyo, ame nghi shi shii!”

1 SAMUEL 20:3

Opo nee David ta ane vali ndee ta ti: “Xo e shi shii naanaa nokutya, ove wa hokwa nge; onghee hano ye a diladila: Jonatan ine shi shiiva, opo ye aha nyike oluhodi. Ndelenee oshili, ngaashi Omwene e nomwenyo naave yo u nomwenyo, ope nonghatu imwe aike pokati ketu nefyo!”

1 SAMUEL 25:26

Ndele paife, omwene wange, oshili ngaashi Omwene e nomwenyo naave u nomwenyo, Omwene Oye tuu e ku kelela okutula etimba lohonde u likwafe neke loye mwene. Ovatondadi voye naava hava kongele omwene wange owii nava ningwe ngaashi Nabal.

1 SAMUEL 4:4

Opo nee ovakwaita va tuma ko kuSilo, ndele va eta ko oshikefa shehangano lOmwene womatanga ovakwaita, ou ta kala kombada yovakerubi. Novana ovamati vavali vaEli, Hofni naPinehas, va li poshikefa shehangano laKalunga.