2 SAMUEL 11:1 - Ombibeli Iyapuki

¹ Ndele eshi pa pita omudo umwe, pefimbo olo eehamba tadi fikama okushinga oita, David okwa tuma Joab novapiya vaye pamwe naye nOvaisraeli aveshe koita. Ndele ova hanauna oshilongo shOvaammoni ndele tava kondekele Rabba, fimbo David a fyaala muJerusalem.

2 SAMUEL 11:1 ပူးပေါင်းရင်းမြစ်များ

2 SAMUEL 10:14

NOvaammoni eshi va mona kutya Ovaarami va faduka po, navo yo va ya onhapo omumwaina Abisai, ndele va ya moshilando. Ndele Joab okwa efa ovana vaAmmoni nokwe uya kuJerusalem.

1 EEHAMBA 20:22

Nomuxunganeki okwa holoka koshipala shohamba yaIsrael nokwe i lombwela: “Hano, lipameka, dimbulukwa u tale, osho u noku shi ninga, osheshi omudo umwe eshi wa pita, ohamba yaAram tai ke ku homona vali.

1 EEHAMBA 20:26

Nomudo umwe eshi wa pita, Benhadad okwa ongela Ovaarami nokwa ya kuAfek a lwife Israel.

1 OMAFIMBO 20:1

Nomudo umwe eshi wa pita, pefimbo olo eehamba tadi fikama okuhomona, Joab okwa twala omatanga ovakwaita ndele ta hanauna po oshilongo shovana vaAmmoni. Nokwe uya yo kuRabba ndele te shi kondeke, fimbo David a kala muJerusalem. Ndele Joab okwa nangala Rabba, ndele e shi hanauna po.

2 OMAFIMBO 36:10

Pexulilo lomudo ohamba Nebukadnesar ya tuma ko ndele ve mu twala kuBabilon pamwe noinima i nondilo yomongulu yOmwene. Nomumwaina Sedekia okwa ninga ohamba yaJuda noyaJerusalem.

OMAPSALOME 60:9

Olyelye ta twala nge mbela koshilando sha pama? Olyelye wokufindikila nge kuEdom?

OMUUDIFI 3:8

efimbo lokuhola nefimbo lokutonda, efimbo lolwoodi nefimbo lombili.

JEREMIA 49:2

Onghee hano tala, omafiku otae uya, Omwene osho ta ti, oshilando shaRabba shOvaammoni ohandi ke shi udifa onghuwo yolwoodi, ndele tashi ka ninga oikulukuma ihe novanhu. Nomikunda dasho otadi ka xwikwa po nomundilo. Opo nee Israel ota ka tambululula osho e shi kufilwe, Omwene osho ta ti.

JEREMIA 49:3

Akutu Hesbon, lila! Osheshi Ai osha tewa! Kwenaukeni, nye ovana oukadona vaRabba! Djaleni eeshako moiya! Lileni eenghali! Kaleni nokweelaela pokati koyuunda noyuunda. Osheshi Milkom ota shii ka ya moupika pamwe novapristeli vasho nomalenga asho aeshe.

HESEKIEL 21:20

Ove u nokuninga ondjila, opo eongamukonda li shiive okuya kuRabba yovana vaAmmoni, nokuJuda, kuJerusalem, oshilando sha pamekwa.

AMOS 1:14

Onghee hano ohandi ka tomeka ohotekuma yaRabba, ndele omundilo tau ka lungwinifa eengulu dasho doupuna, nonghuwo yolwoodi mefiku loita nomhepo idjuu mefiku loshikungulu shidjuu.

SAKARIA 14:3

Ndele Omwene ota ka fikama a lwife oiwana ei, ngaashi mefiku lolwoodi laye, mefiku loita.

DEUTERONOMION 3:11

Osheshi Og, ohamba yaBasan, oye aeke a xupa po mOvarefai. Ombete yaye oya li ombete yoshivela; kai li natango muRabba shovana vaAmmoni? Oule wayo omaludimbo omugoi nolumbubu layo omaludimbo ane, paludimbo lomufyoona.

1 SAMUEL 18:30

Ndelenee eehamba dOvafilisti da homona. Ndele alushe do eshi da homona, elao laDavid la hapupala li dule lovapiya aveshe vaSaul, onghee hano edina laye la fimanekwa unene pombada.