2 SAMUEL 10:19 - Ombibeli Iyapuki

¹⁹ Ndele eehamba odo da li mepangelo laHadadeser, eshi da mona kutya, va tewa kuIsrael, do oda panga ombili nOvaisraeli ndele de va longela. NOvaarami va li va tila okukwafa vali ovana vaAmmoni.

2 SAMUEL 10:19 ပူးပေါင်းရင်းမြစ်များ

2 SAMUEL 8:3

David okwa taataa vali Hadadeser yaRehob, ohamba yaSoba, yo eshi ya ya i ka tandavelife epangelo layo fiyo okomulonga waEufrat.

2 SAMUEL 8:6

Ndele David okwa nangeka omatanga ovakwaita muAram shaDamaskus, onghee Ovaarami va ninga ovapangelwa vaye tava yandje oifendela. NOmwene okwa yandja kuDavid omafindano keshe apa a homona.

1 EEHAMBA 20:1

Benhadad, ohamba yaAram, ya ongela omatanga ayo aeshe ovakwaita, oya li i neehamba omilongo nhatu nambali pamwe nayo nomatemba oita neenghambe. Yo oya ya okukondeka Samaria ndele ye shi lwifa.

1 OMAFIMBO 19:19

Novapiya vaHadadeser, eshi va mona nokutya, va tewa komesho yOvaisraeli, ova panga ombili naDavid ndele ve mu longela. NOvaarami inava popila vali ovana vaAmmoni.

JESAJA 26:11

Omwene, eke loye ola yeluka, vo kave li wete. Ndelenee ouladi woye molwoshiwana nave ke u mone nokufifwa ohoni, nomundilo wa xwamena ovatondi voye nau ke va lafe po yo.

DANIEL 2:37

Oove ohamba, ohamba yeehamba, Kalunga komeulu okwe ku pa ouhamba neenghono nepangelo nefimano,

JOSUA 11:10

Ndele mefimbo tuu linya Josua okwa shuna nokwa nangala Hasor. Ndele okwa dipaa ohamba yasho neongamukonda. Hasor sha li nale onhele yepangelo loilongo inya aishe.

EHOLOLO 18:10

mokutila omahepeko asho otadi ke shi kalela ofika kokule tadi, ti: “Woo, Woo, oshilando ove shinene, Babilon, oshilando ove u neenghono, etokolo loye ole ku hanga mokafimbo kamwe akeke.”

OVATOKOLIPANGELI 1:7

Opo nee Adoni-Besek ta ti: Eehamba omilongo heyali odo da tetwa ominwe dokomake nominwe dokeemhadi, oda toola oundjaumukile koshi yoshitaafula shange shoshililo. Ngaashi ame nda ningile, osho Kalunga a ningila nge. Ndele ve mu twala kuJerusalem, noko a fila.