2 SAMUEL 1:20 - Ombibeli Iyapuki

²⁰ Inamu shi hepaulula muGat, inamu shi vilikila momapandavanda aAskelon, ovana oukadona vOvafilisti vaha hafe, ovana oukadona vaava inava pita etanda vaha kuwilile!

2 SAMUEL 1:20 ပူးပေါင်းရင်းမြစ်များ

HESEKIEL 16:27

“Ndele tala, Ame nda nana eke lange kwoove ndele nda xupipikifa oshitukulwa shoye shomeendja. Ndele Ame nde ku efela ehandu laava have ku tondo, nokutya ovana oukadona Ovafilisti, ava va fya omolwokweenda kwoye kwa nyonyodolwa.

HESEKIEL 16:57

manga owii woye inau holoka, ngaashi mefimbo linya ove wa shekwa keembinga adishe, eshi ovana oukadona vaEdom naaveshe ava ve ku dingilila novana oukadona Ovafilisti ve ku dina.

MIKA 1:10

Inamu shi hepaulula muGat, nye inamu lilila ko nande! Alangateni mondwi yedu muBet-Ofra.

OVATOKOLIPANGELI 11:34

Ndele Jefta eshi e uya kuMispa popepi neumbo laye, omona waye okakadona, okwa pita mo e mu shakeneke, ta tanhe ta nhuka, ta shiki okaxumba. Ye okwa li omona waye ewifa, ehe nomona omumati ile okakadona ponho yaye.

OVATOKOLIPANGELI 14:19

NOmhepo yOmwene ye uya muye nokwa ya kuAskelon, ndele ta dipaa ovalumenhu omilongo nhatu vomuvo nokwa kufa oikutu yavo ndele ta pe ava va fatulula otumbutumbu oikutu yoshivilo. Ndele ye okwa handuka ndele ta i keumbo laxe.

1 SAMUEL 14:6

Opo nee Jonatan a lombwela omupiya waye, ou a humbata oiti yaye ndee ta ti: “Ila, tu ye popepi netanga lenangelo laava inava pita etanda. Kashiimba Omwene te tu ningile sha, osheshi Omwene iha nyengwa okuxupifa neenghono daava vahapu ile daava vanini.”

1 SAMUEL 17:26

Opo nee David a pula ovalumenhu ava va kala ofika puye ndee ta ti: “Omulumenhu ou ta dipaa Omufilisti ou, ndee ta kombo po ohoni muIsrael, ota ka pewa shike? Osheshi Omufilisti ou ina pita etanda, omushike ngeno, eshi ta sheke omatanga ovakwaita vaKalunga omunamwenyo?”

1 SAMUEL 17:36

Omupiya woye a dipaa onghoshi nemwangha, nOmufilisti ou ina pita etanda ta ka ningwa naanaa ngaashi imwe yomwaadinya, shaashi ye a sheka omatanga ovakwaita vaKalunga.

1 SAMUEL 18:6

Ndele vo eshi ve uya keumbo, naDavid yo okwa aluka, eshi a dipaa Omufilisti, ovakainhu va pita mo moilando aishe yaIsrael va ka shakeneke Saul nokukuwilila nokutanha noungoma nokwiimba omaimbilo ehafo nouxumbafeta noivela tai kwelengedja.

1 SAMUEL 31:4

Ndele Saul okwa lombwela omuhumbati woiti yaye: “Pweya mo eongamukonda loye u twe nge nalo, opo venya inava pita etanda vehe uye okutwa nge, ndele vaha sheke nge.” Ndele omuhumbati woiti yaye ina hala, osheshi a tila unene. Onghee hano Saul okwa kufa eongamukonda nokwe litwa nalo.

1 SAMUEL 6:17

Noidinda yoshingoldo ei ya tuminwa Omwene kOvafilisti, ngaashi ehandukulukifo oyei: shimwe oshaAsdod, shimwe oshaGasa, shimwe oshaAskelon, shimwe oshaGat, nashimwe oshaEkron.