2 SAMUEL 1:2 - Ombibeli Iyapuki

² mefiku etitatu omulumenhu umwe a dja monhanda kuSaul, e noikutu ya pombauka nedu komutwe waye. Ndele ye eshi e uya kuDavid, a wila poshi ndele te linyongamene.

2 SAMUEL 1:2 ပူးပေါင်းရင်းမြစ်များ

GENESIS 22:4

Mefiku etitatu Abraham okwa yelula omesho aye ndele ta mono onhele i li kokule.

GENESIS 37:29

Opo nee Ruben eshi e uya kelambo, Josef ine mu hanga mo melambo! Onghee ye okwa pombaula oshikutu shaye,

GENESIS 37:34

Opo nee Jakob okwa pombaula oikutu yaye ndee okwa djala oshikutu sheefya moshiya. Ndele ye okwa lila omona waye omafiku mahapu.

GENESIS 43:28

Ndele vo ova nyamukula: “Omupiya woye tate oku li nawa. Ye oku na omwenyo natango.” Ndele vo ove linyongamena noku mu fimaneka.

2 SAMUEL 1:3

Ndele David ta ti kuye: “Oto di peni?” Ndele ye te mu nyamukula: “Ame nda ya onhapo monhanda yaIsrael.”

2 SAMUEL 13:19

Tamar okwa undila omute komutwe waye nokwa pombaula oshikutu osho shile shi nomaoko male. Opo nee e likwata ombadomutwe ndele ta ende nokulila pombada.

2 SAMUEL 14:4

Nomukainhu wokuTekoa okwa ya kohamba, ndele te linyongamene ndele ta wile eombe koshipala shayo poshi ndele ta ti: “Akutu tatekulu ohamba, kwafa!”

2 SAMUEL 15:32

Ndele David eshi e uya koxulo yomhunda oko va ilikana Kalunga, Husai, Omuarki, e mu shakeneka, okwa li e noshikutu sha pombaulwa nondwi kombada yomutwe.

2 SAMUEL 24:20

Arauna eshi a yelula omesho ndele ta mono ohamba novapiya vayo tave uya kuye, Arauna okwa ya nokwe linyongamena pedu koshipala shohamba.

2 SAMUEL 4:10

ou a etela nge ondaka nokwa tya: ‘Tala, Saul okwa fya.’ Fimbo ye a li a diladila ye omweeti wondaka iwa, nde mu kwata ndele nde mu dipaa muSiklag, nde mu futa ondjabi yomutumwa,

ESTER 4:16

“Inda u ongele Ovajuda aveshe ava tava monika muSusa, ndele lidilikeni molwange. Ndele momafiku atatu oufiku nomutenya inamu lya ndele inamu nwa. Naame yo pamwe novapiya vange ovakainhu hatu ke lidilika. Opo nee handi i mo kohamba, osho nande kashi li pamhango, ndele ngeenge ndi nokufya, ondi nokufya.”

ESTER 5:1

Mefiku etitatu Ester okwa djala ngaashi ohamba nokwa ya a ka kale ofika mehale lomeni longulu yohamba a yukilila olupale lohamba, fimbo ohamba tai kala omutumba kolukalwapangelo layo molupale louhamba, ya shaama noshivelo sholupale.

OMAPSALOME 66:3

Tyeni kuKalunga: “Oilonga yoye ikumwifa oi fike peni! Molwouyadi weenghono doye, ovatondi voye otave linyongamene kwoove.

HESEKIEL 27:30

ndele omolwoye vo otava ka kuwa onghuwo nokulila unene. Ndele vo otave ke litilila ondwi yedu komitwe davo notava alangatele momute.

HOSEA 6:2

Nge pa pita omafiku avali, Oye te ku nyumuna, mefiku etitatu Oye te tu pendula, opo fye tu kale nomwenyo koshipala shaye.

JOEL 2:13

Pombauleni omitima deni, haoikutu yeni, nye mu alukile kOmwene Kalunga keni. Osheshi Ye omunefilonghenda nomunanghenda nomunanheni nomunene mouwanghenda, ndele iha kalele okuhandukuluka.”

MATEUS 12:40

Osheshi ngaashi Jona a kalele medimo loshikwameva omitenya nhatu nomaufiku atatu, hano osho yo Omona wOmunhu ota ka kala koshi yedu omitenya nhatu nomaufiku atatu.

MATEUS 16:21

Hano okefiku tuu olo Jesus okwa hovela okuhololela ovalongwa vaye nokutya, e nokuya kuJerusalem noku ka hepekwa nomahepeko mahapu kovakulunhu nokovapristeli ovakulunhu nokovanongo vomishangwa nokudipawa nokunyumunwa efiku etitatu.

JOSUA 7:6

Opo nee Josua okwa pombaula oikutu yaye nokwa wila eombe komesho yoshikefa shOmwene fiyo onguloshi ye novakulunhu vaIsrael, ndele ve lifundila edu komitwe.

EHOLOLO 3:9

Tala, ohandi ku pe vamwe vomongudu yaSatana, ovo have liti, ovo Ovajuda, ndele havo, ohava fufya ashike. Tala, ohandi ke va ninga, ve ke uye kwoove, ndele tave linyongamene keemhadi doye, ndele tava ka shiiva, nokutya, ondi ku hole.

1 SAMUEL 20:41

Fimbo omupiya ta i keumbo, David okwa kala ofika langhele kombinga yonhumba yomamanya ndee ta wile poshi ta tu oshipala shaye pedu ndele te linyongamene lutatu. Opo va fipafana komilungu ndele va lila aveshe. David okwa lila nokulililila.

1 SAMUEL 25:23

Abigail eshi a mona David okwa londoloka diva kondongi yaye, nokwa wila eombe koshipala shaDavid, nokwe linyongamena pedu

1 SAMUEL 4:12

Opo nee Omubenjamin umwe a dja monhele yolwoodi nokwa tondoka ndele ta fiki efiku tuu olo kuSilo, oikutu ya pombauka nedu komutwe waye.

1 SAMUEL 4:16

Nomulumenhu okwa lombwela Eli: “Ame nda dja konhele yolwoodi. Heeno, onena eli nda dja onhapo konhele yolwoodi.” Ndele ye ota pula: “Omumwange, oshike sha ningwa ko?”