2 SAMUEL 1:16 - Ombibeli Iyapuki

¹⁶ Ndele David okwe mu lombwela: “Ohonde yoye i li komutwe woye, osheshi okanya koye ondobwedi yoye, shaashi wa tya: ‘ame nda dipaa omuvaekwa wOmwene.’ ”

2 SAMUEL 1:16 ပူးပေါင်းရင်းမြစ်များ

2 SAMUEL 1:10

Ndele ame nda ya kuye ndele nde mu dipaa, osheshi ndi mu wete, ita dulu vali okukala nomwenyo, eshi a wila po. Ndele oshishani shaye osho sha li komutwe waye noshivela shoshingoldo shokokwooko kwaye nde i kufa ko ndele nde i eta oku komwene wange.”

2 SAMUEL 16:8

Omwene okwe ku alulila ohonde aishe yepata laSaul, ponhele yaye ove wa ninga ohamba. NOmwene okwa yandja ouhamba meke lomumwoye omumati Absalom. Ndele paife u li opo momupya woye, shaashi oove omutilishi wohonde.”

1 EEHAMBA 2:37

Efiku olo to di mo ndele to tauluka okamulonga Kidron, kala u shi shii, ou nokufya shili. Ohonde yoye tai ka kala kombada yomutwe woye.”

JOB 15:6

Okanya koye mwene take ku tokola, haame. Heeno, omilungu doye mwene tadi ku pe oushima.

OMAYELETUMBULO 6:2

we limangifa keendjovo domokanya koye, wa kwatwa keendjovo dokanya koye,

HESEKIEL 18:13

oikolo ote i kwatifa eliko ndele ta tambula oshishoshela, ye ota ka kala tuu nomwenyo? Ye ita ka kala nomwenyo. Oixuna aishe ei ye e i ninga. Ye e nokuhandukilwa nefyo. Etimba laye lohonde li li kombada yaye.

HESEKIEL 33:5

Ye okwa uda ondaka yenghuma, ndelenee ina hala okulondwelwa. Ohonde yaye oi li kombada yaye. Ndelenee ye ngeenge a hala okulondwelwa, ye ota xupifa omwenyo waye.

LEVITIKUS 20:16

Nomukainhu ngeenge ta ehene koshimuna shi mu hambe, nye mu nokudipaa omukainhu noshimuna. Vo ove nokudipawa shili. Vo ove litula monhiko.

LEVITIKUS 20:27

Ndele ngeenge momulumenhu umwe ile momukainhu umwe omu nomhepo yomufi ile omhepo youpule, vo ve nokudipawa shili. Vo ve litula monhiko.”

LEVITIKUS 20:9

“Keshe umwe ta tuku xe ile ina, e nokufya shili. Ye a tuka xe naina. Ye e litula monhiko.

MATEUS 27:25

Ndele ongudu aishe oya nyamukula ya tya: “Ohonde yaye nai uye kombada yetu nokombada yovana vetu!”

LUKAS 19:22

Opo nee ye okwe mu lombwela: ‘Ohandi ku tokolifa okanya koye mwene, omupiya ove mwii. U shii nge ame omunhu mudjuu, handi kufa eshi inandi shi tuvikila, ndele handi teya osho inandi shi kuna,

OILONGA YOVAYAPOSTOLI 18:6

Ndelenee vo eshi ve di anya nove va sheka, okwa pupula oikutu yaye, ndele te va lombwele: “Ohonde yeni nai uye kombada yomitwe deni! Ame nghi nambedi. Paife eshi handi i kovapaani.”

OILONGA YOVAYAPOSTOLI 20:26

Onghee hano ohandi mu hepaulile efiku eli lonena, ame ndihe netimba nande olohonde yomunhu.

OVAROMA 3:19

Ndele fye otu shi shii, ashishe osho omhango tai shi popi, otai shi lombwele ava ve li koshi yomhango, opo okanya keshe ka mutikwe, nounyuni aushe u kale, u netimba koshipala shaKalunga;

DEUTERONOMION 19:10

opo ohonde ihe netimba iha tilweshi moshilongo shoye, Omwene Kalunga koye te ke shi ku pa efyuululo, opo uha kale u netimba.

JOSUA 2:19

Keshe umwe ou ta piti mo moshivelo shongulu yoye, ohonde yaye nai kale kombada yaye, ndele fye katu netimba, ndelenee keshe umwe ou e li pwoove mongulu, ohonde yaye tai ka kala kombada yetu, ngeenge eke lomunhu tali mu kumu.

OVATOKOLIPANGELI 9:24

opo oukolokoshi wa ningilwa ovana ovamati omilongo heyali vaJerubbaal u handukilwe, ndele ye opo a tule ohonde yavo komumwaina Abimelek, ou e va dipaa, nosho yo koonakukalamo muSekem, ava va pameka omake aye a dipaa ovamwaina ovalumenhu.

1 SAMUEL 25:39

David eshi a uda nokutya, Nabal okwa fya, ye ta ti: “Omwene na hambelelwe ou a handukila Nabal okushekwa kwange, ndele a kelela omupiya waye okuninga owii nokwa alula owii waNabal komutwe waye mwene.” Opo nee David okwa tuma kuAbigail, ye e mu hala, a ninge omwalikadi waye.

1 SAMUEL 26:9

Ndelenee David ta ti kuAbisai: Ino mu dipaa, osheshi olyelye a efiwa ina handukilwa, eshi a kuma omuvaekwa wOmwene.