2 EEHAMBA 9:7 - Ombibeli Iyapuki

⁷ Ndele ove oto ka mana po eumbo laAhab, omwene woye, opo ndi dule okuhandukila Isabel ohonde yovapiya vange, ovaxunganeki, nohonde yovapiya aveshe vOmwene

2 EEHAMBA 9:7 ပူးပေါင်းရင်းမြစ်များ

1 EEHAMBA 18:4

Osheshi Isabel, eshi a dipaa ovaxunganeki vOmwene, Obadja okwa kufa ovaxunganeki efele limwe nokwe va holeka mo, ovalumenhu omilongo nhano mekololo limwe, novakwao omilongo nhano mekololo li lili, nokwe va xupififa omungome nomeva.

1 EEHAMBA 21:15

Isabel eshi a uda nokutya: “Nabot okwa dipawa nomamanya nokwa fya,” Isabel ta ti kuAhab: “Penduka, kufa oshikokola shomiviinyu shaNabot, Omujisreel, osho ye e shi ku anyena oku ku pa noimaliwa. Osheshi Nabot ke nomwenyo, okwa fya.”

1 EEHAMBA 21:21

Tala, Ame ohandi ku tumine omupya ndele handi ku kombo po ndele handi ka hanauna po sheke muIsrael oludalo alishe laAhab ovalumenhu.

1 EEHAMBA 21:25

Oshili, inapa kala nande umwe ngaashi Ahab, ou e lilandifa po okuninga osho inashi yuka momesho Omwene, Osheshi omwalikadi waye Isabel e mu hongaula.

2 EEHAMBA 10:10

Kaleni mu shi shii hano nokutya, ondjovo yOmwene nande imwe itai wile poshi, ondjovo oyo Omwene e i popila epata laAhab; Omwene okwa ninga osho e shi lombwela omupiya waye Elia.”

2 EEHAMBA 10:11

Opo nee Jehu a dipaa aveshe vomepata laAhab la xupa la li muJisreel, novanenenhu aveshe vaye novalineekelwa vaye novapristeli vaye, fiyo inapa xupa nande umwe ou a xupifwa.

2 OMAFIMBO 22:7

Ndelenee enyonauko laAhasia la dja kuKalunga, onghee hano okwa li e nokuuya kuJoram. Eshi a fika ko, okwa ya pamwe naJoram okushakeneka Jehu yaNimsi, ou a vaekwa kOmwene, a hanaune po epata laAhab.

JEREMIA 26:5

nongeenge itamu pwilikine eendjovo dovapiya vange ovaxunganeki, ngaashi inandi fya ounye oku va tuma kunye, ndele nye inamu pwilikina,

MATEUS 23:35

ohonde aishe iyapuki, ya tilwashi kombada yedu opo i uye kombada yeni okohonde yaAbel omuyuki fiyo okohonde yaSakaria, omona waBerekia, mwe mu dipaela pokati kotembeli noaltari.

OVAROMA 12:19

Ovaholike, nye vene inamu alulila omunhu owii, ndelenee peni ehandu laKalunga omhito. Shaashi opa shangwa: “Ehandu olange, Aame handi futu, Omwene osho ta ti.”

OVAROMA 13:4

osheshi olo omuyakuli waKalunga oku ku popila. Ndele ngeenge to longo owii, kala wa tila; osheshi eongamukonda inave li djala epwanga, osheshi olo omuyakuli waKalunga okuhandukila ava tava longo owii.

DEUTERONOMION 32:35

Ehandu olange, Ame ohandi futu mefimbo tuu olo omhadi yavo tai punguluka. Osheshi efiku lehanauno lavo oli li popepi, ndele eshi she va sheyelwa tashi uya diva.

DEUTERONOMION 32:43

“Kuwilileni nye oiwana, molwoshiwana shange, osheshi Ye ota ka pula ohonde yovapiya vaye, ndele ta ka handukila ovatondi vaye nokukwatakanifa oshilongo shaye noshiwana shaye.”

OVAHEBERI 10:30

Osheshi otu mu shii ou a tonga: “Ehandu olange, Aame handi futu,” Omwene osho ta ti; navali: “Omwene ota ka tokola oshiwana shaye.”

EHOLOLO 18:20

“Shi nyakukilweni, eulu novayapuki novayapostoli novaxunganeki, osheshi Kalunga okwe shi tokola noku shi kwatela onghone molweni.”

EHOLOLO 19:2

Osheshi omatokolo aye oo oshili nokwa yuka, osheshi Ye okwa tokola ombwada inene, ei ya nyonaunifa edu koluhaelo layo, okwe i handukilila ohonde yovapiya vayo noku i pula meke layo.”

EHOLOLO 2:20

Ndelenee ondi na sha naave, shaashi ino hanyena omukainhu ou Isabel te liti omuxunganeki ndele ta longo nokuhongaula ovapiya vange ve liyandje moluhaelo nova lye oiyambwa yoikalunga.