2 EEHAMBA 8:5 - Ombibeli Iyapuki

⁵ Ndele fimbo ta hepaululile ohamba nhumbi Elisa a pa omufi omwenyo, omwalikadi tuu ou, omona waye Elisa e mu pa omwenyo, a ifana ohamba ta yave a pewe eumbo laye nepya laye. Ndele Gehasi ta ti: “Omwene wange ohamba, omwalikadi oye tuu ou nomona waye omumati oyou ou, Elisa e mu pa omwenyo.”

2 EEHAMBA 8:5 ပူးပေါင်းရင်းမြစ်များ

1 EEHAMBA 20:1

Benhadad, ohamba yaAram, ya ongela omatanga ayo aeshe ovakwaita, oya li i neehamba omilongo nhatu nambali pamwe nayo nomatemba oita neenghambe. Yo oya ya okukondeka Samaria ndele ye shi lwifa.

2 EEHAMBA 4:12

ndele ta ti komupiya waye Gehasi: “Ifana omwalikadi Omushunemi.” Winya eshi a ifanwa ndele ta kala ofika koshipala shaye.

2 EEHAMBA 4:35

Opo nee ye a dja mo nokwa endaenda neumbo, ndele ta i ko vali, ta londo ko ndele te linyongamene kuko. Nokaana okamati ka twa onghisha luheyali. Nokaana ka pashuka.

2 EEHAMBA 6:12

Ndele umwe womovapiya vayo ta nyamukula: “Hasho omwene wange ohamba, ndelenee omuxunganeki Elisa, ou e li muIsrael ta twala eendjovo odo to di lipopile monduda yokunangala kohamba yaIsrael.”

2 EEHAMBA 6:26

Ndele fimbo ohamba yaIsrael tai ende kombada yekuma, omukainhu umwe okwe i ingida ta ti: “Kwafa, omwene ohamba!”

2 EEHAMBA 8:6

Nohamba ya pula komwalikadi ndele ye okwe i hepaululila. Opo nee ohamba ye mu pa elenga ndele tai ti: “Na alulilwe aishe yaye nosho yo oilya aishe yomepya laye, okudja kefiku tuu linya a dja moshilongo fiyo onena eli.”

ESTER 5:14

Opo nee omwalikadi waye Seres nookaume kaye aveshe tava ti kuye: “Mu ningila hano omuti wokumangeleka mo, oule wao omaludimbo omilongo itano u lombwele ohamba mongula inene, vo va endjelelife Mordekai muwo. Opo nee to i nehafo pamwe nohamba koitelekela.” Ondjovo oyo ya wapalela Haman, nokwa pangelifa omuti wokumangeleka mo.

OMAPSALOME 145:1

Onda hala ndi ku fimaneke, Kalunga kange, ohamba, nokutanga edina loye alushe fiyo alushe.

OMAYELETUMBULO 16:9

Omutima womunhu tau diladila ondjila yaye, ndelenee Omwene ta endifa eenghatu daye.

OMUUDIFI 9:11

Natango nda mona koshi yetango nokutya, okutondoka shanamutete kaku li mepangelo laau e nonhapo, haita mepangelo lovakwanyati, hamungome mepangelo lovanaendunge, haupuna mepangelo lovanamayele, hahokwe mepangelo lovanongo, ndelenee efimbo nesheyelo tali pangele aishe.

OVAROMA 8:31

Ohatu ti ngahelipi hano apa? Kalunga ngeenge e tu ama, olyelye ta tu ondubo nafye?

RUT 2:3

Opo nee ye a ya, ndele a pupudulula mepya mokushikula ovatei. Nelao le mu twala mepya laBoas, omukwanepata laElimelek.

1 SAMUEL 26:17

Opo nee Saul okwa dimbulukwa ondaka yaDavid ndele ta ti: “Ondaka oyoye, omumwange David.” David okwa nyamukula: “Heeno, omwene wange ohamba!”