2 EEHAMBA 8:4 - Ombibeli Iyapuki

⁴ Ohamba ya hangika tai kundafana naGehasi, omupiya womulumenhu waKalunga, ndele tai ti: “Hepaululile nge oinima aishe inene Elisa e i ninga.”

2 EEHAMBA 8:4 ပူးပေါင်းရင်းမြစ်များ

2 EEHAMBA 2:14

Nokwa kufa elwakani laElia le mu wa, ndele ta denge nalo omeva ndele ta ti: “Omwene Kalunga kaElia oku li peni?” Ye eshi a denga momeva, oo a tukuka kombinga nombinga, ndele Elisa okwa tauluka.

2 EEHAMBA 2:24

Ye eshi a punguluka nokwe va mona, te va tula omutima medina lomwene. Opo nee momufitu mwa dja oilyani omamwangha avali, ndele taa pombaula ovamati vanini omilongo nhee navavali, va fya.

2 EEHAMBA 4:12

ndele ta ti komupiya waye Gehasi: “Ifana omwalikadi Omushunemi.” Winya eshi a ifanwa ndele ta kala ofika koshipala shaye.

2 EEHAMBA 4:25

Ye okwa ya ndele te uya komulumenhu waKalunga komhunda yaKarmel. Omulumenhu waKalunga eshi e mu monena kokule, ta ti komupiya waye Gehasi: “Tala, omwalikadi Omushunemi ota di kwinya.”

2 EEHAMBA 5:14

Opo nee a londoloka ndele ta ningine mo luheyali muJordan pandjovo yomulumenhu waKalunga. Nolutu laye la kala ngaashi shito, ngaashi olutu lomunyasha, ndele okwa yela.

2 EEHAMBA 6:32

Ndele Elisa fimbo ta kala omutumba meumbo laye novakulunhu va kala omutumba puye, ohamba ya tetekelifa omulumenhu. Ndelenee omutumwa fimbo ine uya kuye, Elisa ta ti kovakulunhu: “Mu wete ko tuu nokutya, omona womudipai ta tumine nge a tete nge ofingo? Taleni! Omutumwa ngeenge te uya, idileni po oshivelo, mu mu fengenyene po. Omifindo deemhadi domwene waye itadi mu shikula?”

2 EEHAMBA 6:6

Nomulumenhu waKalunga ta pula: “Osha wila peni?” Ndele winya eshi e mu ulikila onhele, ye okwa teta oshiti nokwe shi ekela momeva, noshivela sha djuuka mo.

2 EEHAMBA 7:1

Opo nee Elisa ta ti: “Uda ondjovo yOmwene. Omwene ta ti ngaha: Mongula pefimbo tuu eli eekilograma nhatu doufila wa nakwa tadi ka landwa nosekeli imwe, neekilograma hamano doilya osekeli imwe poshivelo shaSamaria.”

2 EEHAMBA 7:10

Ndele ve uya ndele tava ingida kovanangeli voposhivelo shoshilando ndele ve va hepaululila tava ti: “Fye twa ile konhanda yOvaarami, ndelenee taleni, kakwa li nande umwe, nande ondaka yomunhu. Ndelenee eenghambe da mangwa, neendongi da mangwa, omatwali a li ko ngaashi a kala.”

2 EEHAMBA 7:3

Ndelenee poshivelo pa li ovalumenhu vane ovanashilundu. Vo ova popyafana tava ti: “Omolwashike hatu kala apa fiyo hatu fi?”

2 EEHAMBA 8:3

Ndelenee pexulilo lomido heyali omwalikadi okwa dja moshilongo shOvafilisti a ka yave kohamba, a alulilwe eumbo laye nepya laye.

MATEUS 2:8

Ndele ye ote va tumu kuBetlehem ndele ta ti: “Indeni ko hano, nye mu ka konge shili okaana; ndele ngeenge mwe ka mona, lombweleni nge, naame yo ndi uye ndi linyongamene kuko.”

LUKAS 23:8

Ndele Herodes eshi a mona Jesus, okwa hafa pombada, osheshi oye a hala nonale oku mu mona, osheshi okwe mu kundana, ndele okwa hala a ulikilwe kuye edidilikokumwifa.

LUKAS 9:9

Ndele Herodes okwa tya: “Johannes, onde mu tetifa omutwe, ndelenee ou olyelye hano nde mu uda ta ningi oinima i fike apa?” Ndele ye okwa konga omhito oku mu mona.

JOHANNES 9:27

Ye okwe va nyamukula: “Nde shi mu lombwela nale, ndele inamu uda ko? Omwa hala hano mu ude vali shike? Omwa hala mu ninge ovalongwa vaye?”

OILONGA YOVAYAPOSTOLI 24:24

Ndele eshi pa pita omafiku amwe, Feliks e uya pamwe nomukainhu waye Drusila, Omujuda, nokwa ifana Paulus, ndele ta pwilikine eendjovo daye deitavelo lokwiitavela Kristus Jesus.