2 EEHAMBA 8:16 - Ombibeli Iyapuki

¹⁶ Ndele momudo omutitano waJoram yaAhab, ohamba yaIsrael, Jehoram yaJosafat, ohamba yaJuda, okwa hovela okupangela.

2 EEHAMBA 8:16 ပူးပေါင်းရင်းမြစ်များ

1 EEHAMBA 22:42

Ndele Josafat okwa pangela Juda. Omido daye da li omilongo nhatu nanhano eshi a ninga ohamba, nokwa pangela omido omilongo mbali nanhano muJerusalem. Nedina laina la li Asuba yaSilhi.

1 EEHAMBA 22:44

Ndele Josafat okwa ninga ombili nohamba yaIsrael.

1 EEHAMBA 22:50

Ndele Josafat okwa ka nangala pooxe nokwa pakwa pooxe moshilando shaxe David. Nomona waye Jehoram okwa ninga ohamba ponhele yaye.

1 EEHAMBA 22:51

Ahasia yaAhab okwa ninga ohamba yaIsrael muSamaria momudo omutimulongo nomutiheyali waJosafat, ohamba yaJuda, nokwa pangela Israel omido mbali.

2 EEHAMBA 1:17

Nokwa fya pandjovo yOmwene, Elia e i popya. Ndele Jehoram okwa ninga ohamba ponhele yaye momudo omutivali waJoram yaJosafat, ohamba yaJuda, osheshi winya okwa li ehe nomona omumati.

2 EEHAMBA 11:2

Ndelenee Joseba, omona okakadona kohamba Jehoram, omumwaina waAhasia, okwa kufa Joas, okaana okamati kaAhasia nokwe ka kufa mo movana ovamati vohamba, ava va li ve nokudipawa, nokwe ka twala nomunyamifi wako mondjuwo yokunangala. Osho ngaha ve ka holeka Atalia, onghee ko inaka dipawa.

2 EEHAMBA 3:1

Joram yaAhab okwa ninga ohamba yaIsrael muSamaria momudo omutimulongo nomutihetatu waJosafat, ohamba yaJuda, nokwa pangela omido omulongo nambali.

2 EEHAMBA 8:25

Momudo omutimulongo nomutivali waJoram yaAhab, ohamba yaIsrael, Ahasia yaJehoram, ohamba yaJuda, a ninga ohamba.

2 OMAFIMBO 22:1

Opo nee oonakukalamo muJerusalem va ninga Ahasia, onghelo yaye, ohamba ponhele yaye. Osheshi eengudu odo de uya monhanda pamwe nOvaarabi, ova dipaa Ovana vaye aveshe ovakulunhu. Ndele Ahasia yaJehoram ohamba yaJuda, a ninga ohamba.